Awe huez ta dicidi si ta suspende encarcelacion di Pieter S. den caso Avestruz

ORANJESTAD – Awe tardi 2 ‘or huez ta dicidi si ta suspende e encarcelamento (gevangenhouding) di e sospechoso Pieter S. den e caso penal Avestruz. Tabata dia 5 di mei ultimo cu S. a keda deteni, despues cu den luna di januari a tene un entrada hudicial na cas di e persona aki y tambe su negoshi(an). Su abogado David Kock ta purbando pa logra libera su cliente y awe tardi e caso lo wordo trata pa huez dicidi si ta suspende e detencion. Ta premira cu, mirando e situacion y cu mayoria di e otro sospechosonan ta liber tambe for di siman pasa, cu esaki tambe lo ta e caso awe tardi. No ta conoci si dado caso huez dicidi pa suspende e detencion, cu esaki lo sosode entrante awe mes. E potret ta uno generico.