RIVM: Presencia di variante di Brazil a aumenta un poco na Aruba

DEN HAAG – E variante di Brazil (di e virus Covid19) esta P.1. a aumenta den presencia na Aruba pa 17%. Tambe e variante Britanico a baha un poco pa 46% di e totalidad di presencia di e virus Covid19 na Aruba. Asina Rijks Instituut voor Volksgezondheid en Mileu ta raporta e siman aki. Ambos variante ta esun cu ta ‘di preocupacion’ pa nan impacto cu por tin riba personanan cu keda infecta cu e variante. E informacion aki ta data di e di dos siman di mei ultimo. Mientrastanto e resto di cifranan di e pandemia ta mustra miho cu un reduccion den casonan diario y total.