Awe seleccion nacional di futbol di Aruba ta topa Cayman Islands den eliminatorio Qatar 2022

BRADENTON – Awe tardi e seleccion nacional di futbol di Aruba ta enfrenta Cayman Islands na Bradenton Merca, pa clasificacion di Copa Mundial Qatar 2022.Diasabra ultimo nos seleccion nacional a biaha pa Bradenton, Florida pa hunga dos wega eliminatorio di Campeonato Mundial di Futbol Qatar 2022. Mientras cu awe nos seleccion nacional lo enfrenta e ekipo di Cayman Islands pa 6or di atardi den IMG Academy Soccer Stadium na Tampa,  diasabra 5 di juni nan ta hunga contra di e ekipo di Canada pa 8or di anochi den e mesun stadion. Arubaanse Voetbal Bond a haci su maximo esfuerso y a busca 10 hungadonan residencia na Hulanda y Venezuela pa bin reforsa nos seleccion nacional. E 10 hungadonan ta Fernando Lewis, Darryl Bally, Noah Harms, Diederick Luydens, Marlon Pereira, Jonathan Richard, Joshua John, Javier Jimenez, Terence Groothusen y Glenbert Croes.