Cuater hoben deteni sospecha di ladronicia di auto

ORANJESTAD - Diasabra pa mas o menos 4'or di marduga, polis di Santa Cruz patruyando y buscando un auto, -cu un rato prome a wordo horta for di un cas na Tanki Leendert-, a bin encontra e auto. E auto tabatin su ‘hazard light’ sendi y un tire gekap, para riba un tereno canto di caminda na Sabana Basora Noord. Na momento cu polis kier a bay na e auto, na e sitio nan ta topa cu un auto nissan sentra color di oro cu 4 hoben actuando masha sospechoso den dje. Ora e hobennan a mira polis nan a spanta y kier a bay otro direccion. Mesora polis a duna nan un señal pa para. E hobennan a para, pero no por a bisa di ken e auto ta, y mucho menos prueba di ken. Polis a detene e chauffeur na prome instante, pero despues di un rato a dicidi di detene e otro tresnan tambe como sospechoso di ladronicia di auto. E hobennan a traha tur sorto di storia cu polis, cu nan tabata biniendo di jouvert morning. E otro tabata bisa cu di ‘The Molen’ nan tabata biniendo. Mirando cu nan no por a duna un contesta confiabel, a detene tur 4 como sospechoso den caso di ladronicia di auto. E tercel cu tabata staciona unda e hobennan tabata, a wordo horta for di un cas na Tanki Leendert. E doño di e nissan sentra no a entrega keho di ladronicia ainda, na momento cu e auto a wordo haya. Tur dos auto a keda confisca pa mas investigacion.