Na Corsou victima di asesinato awe mainta ta mustra señal di tortura

WILLEMSTAD – Awe mainta autoridadnan policial a bai na un sitio tras di stadion di Suffisant unda lo mester tin kurpa di un hende homber cu lo no ta duna señal di bida. Mesora por a nota ku e víktima a keda tortura i entre otro tabatin un pia kibra. Tambe a los tiru riba e víktima i polis a nota e herida di bala. Dòkter di polis mester a akudí na e sitio pa konstatá morto di e víktima ku segun polis ta un persona relativamente hóben. Ta investigando tambe si ta posibel ku a dal e persona ku outo promé pa despues kaba di regla kuenta kuné. Polis ta pidi yudansa di komunidat pa si tin kualke informashon pa suministrá esaki na esnan konserní. Polis lo investigá tur senario ku presentá durante e investigashon.