Awor por registra pa NoticiaCla.com Newsflash via Smartphone tambe!

ORANJESTAD – Algun tempo despues cu NoticiaCla.com a lansa su servicio nobo, esta pa registra y ricibi bo ‘newsflash email service’, awe nos ta anuncia cu satisfaccion cu e servicio aki, ta haya un parti extra. Esaki den e sentido cu awor no solamente bo por registra bo email pa e servicio di ‘newsflash’ via cu bo ‘desktop’ computer of ‘laptop’, so, sino tambe via bo ‘smartphone’. Entrante e siman aki caba (e ta operacional), bo por uza bo telefon smartphone, y riba e link di Noticiacla.com, registra cu tur comfortabilidad y mesora cuminsa ricibi bo ‘newsflash’.

For di momento cu NoticiaCla.com a cuminsa ofrece e servicio inicial, centenares di persona a probecha y registra nan email mesora. Esaki ta pone cu e grupo aki, garantisa no ta perde ningun noticia di importancia, asina cu e bira disponibel. Y ta trata solamente di hendenan cu a registra nan email, contrario na otro servicionan cu ta coi un lista di email sporadico y ‘spam’ informacion tambe pa esnan cu no ta desea esaki.

Cu e facilidad nobo aki, esta di por registra usando bo smartphone tambe, e ta bira mucho mas facil pa keda cla y tambe forma parti di e grupo privilegia cu ta sigura cu nan no ta perde e noticia mas importante y/of ta haye lesa, ora cu nan corda of tin tempo. Via bo email, NoticiaCla.com ta manda bo bo newsflash, y tene bo al tanto di tur cu ta importante pa bo sa.

Pa esnan cu ta riba desktop, tin cu busca e parti ariba drechi, e espacio habri cu ta bisa ‘subscribe’, yena bo email, primi e boton di subscribe y bo ta cla. Riba bo smartphone, bo ta subi e link di NoticiaCla.com, y riba e top, bo ta haya e mesun posibilidad y ta sigui e instruccion igual. Facil!. Exito y bon bini na e famia di NoticiaCla.com Newsflash, completamente PORNADA.