Entrante 1 di juni 2021 cambionan lo wordo haci pa canalnan di Discovery riba Cable

(ADVERTORIAL)

ORANJESTAD - SETAR ta informa cu Discovery Networks, e compania cu ta provee SETAR cu e canalnan di ‘Discovery Channels’ lo haci cambio riba 3 canal di Discovery, entrante 1 di juni, 2021. 

‘Discovery Channel’ na canal 18 y ‘Discovery TLC’ na canal 175 riba Digital Cable lo transforma nan contenido completamente na Ingles. Esaki ta conta tambe pa e canalnan aki riba SETAR Complete y IPTV, esta canal 58 y canal 206. 

Usuarionan di Cable no ta bay nota mucho cambio den e programacion. Unico cambio ta cu e programacion produci na Spaño, por ehempel produci na Argentina, no lo ta disponibel mas riba e canalnan. 

Ademas, Discovery Networks ta anuncia cu nan no lo continua cu e canal ‘Discovery Civilization’. Pa es motibo, e canal aki no lo ta disponibel mas entrante 1 di juni 2021. Esaki ta canal 163 riba Digital Cable y canal 201 riba SETAR Complete y IPTV.