Partidonan politico a campaña activamente den weekend atrobe

ORANJESTAD – Den fin di siman un biaha mas partidonan politico a probecha pa campaña mas activo, faltando apenas 4 siman prome cu eleccion di dia 25 di juni proximo. Visualmente manera custumber, e dos partidonan grandi MEP y AVP tabata mas obvio, di loke noticiacla por a nota durante su recorido breve. Partido MEP a campaña primordialmente na San Nicolas e fin di siman aki, mientras cu AVP tabata riba caminda grandi di Piedra Plat. Y riba e caminda na altura di Paradera, por a topa tambe cu e trio di HTC riba caminda. Otro partidonan tabatin bandera poni aki aya y cu auto cu cierto bandera, pero no asina visualmente presente. Den e proximo fin di siman, noticiacla lo subi caminda mas activamente pa asina haci raportahenan politico di e ambiente politico.