Benny Sevinger mas trankil awor cu su casa a recobra libertad

ORANJESTAD – Diasabra atardi e casa di parlamentario Benny Sevinger, Claudia a recobra su libertad temporal di prison na Warda di Noord. Segun abogado di sra Sevinger David Kock, no tabatin condicion mara na su libertad. E libertad a bin apenas un dia despues su detencion a keda prolonga cu 8 dia despues cu diaranson ambos a keda deteni como sospechoso den e caso Avestruz. Den e caso ey, Claudia Sevinger ta wordo sospecha di labamento di placa, y su casa di soborno di ambtenaar, falsificacion di firma y tambe forma parti di un organisacion criminal.  E abogado a sigura e portal aki cu no tabatin ningun deal traha. Aunque e mes tabata spera e libertad di su cliente mas na cuminsamento di siman, e tambe a wordo sorprendi cu esaki a tuma lugar diasabra mes, na momento cu e tabata den interogacion di Benny Sevinger. Segun sr Kock, Sevinger ta mas trankil y contento awor cu su casa ta den libertad. Pa loke ta su caso mes, Sevinger ta trankil pasobra for di su punto di salida, e no a haci nada malo. Potret cortesia Solo di Pueblo.