Portero Arubano Jean Marc Antersijn lo hunga pa e seleccion di futbol di Corsou

WILLEMSTAD – E portero professional Arubiano Jean Marc Antersijn (25) lo forma parti di seleccion di futbol di Corsou. E tata Aaron Antersijn a confirma esaki pa noticiacla den fin di siman. Tabata diabierna cu e federacion di futbol di Corsou FFK a anuncia cu Antersijn lo forma parti di e seleccion. E hecho cu e ta naci na Aruba no tabata un problema pasobra su tata Aaron ta naci na Corsou y e no a hunga wega pa e seleccion di Aruba. Regla di FIFA ta bisa cu si bo no hunga ningun Interland pa e pais cu bo a nace bo por hunga pa e pais di bo pariente. Y hunga kiermeen speel uren. Lamentablemente Aruba no a yame den e ultimo aña nan. E aña aki si nan a jame pero na  e mes momento Corsou a jame. Ademas hunga pa Corsou ta hopi interesante. Mientras cu Corsou ta riba e posicion 78 di e lista mundial, Aruba ta na e posicion 205, y den e grupo pa wega di cualificacion, Corsou ta na prome lugar di su grupo C cu 6 punto, mientras cu Aruba ta number 3 den su grupo B cu 0 punto. Pues e chensnan pa Aruba no ta grandi realisticamente mira. 

E WEGANAN

E siguiente wega di cualificacion di Corsou ta dia 5 di juni na Guatemala contra British Virgin Islands, pa despues e team hunga atrobe dia 8 di juni na Corsou contra Guatemala. Aruba ta hungando contra Cayman Islands dia 2 di Juni  y dia 5 di juni contra Canada. Ambos wega ta tuma lugar na Bradenton, Merca.   

YEGANDO E REGION AKI

Mientrastanto a compronde cu Jean Marc a bulando for di Suecia aworaki y yega Panama diadomingo atardi pa sigui pa Guatemala.  Na Suecia e ta hungando den pa FC Arlanda Division 2 Östra Svealand. Na Aruba den pasado, Jean Marc a hunga na Aruba pa e ekiponan di Washington y SV Dakota tambe. Potret cortesia 297 Sports.