Aruba a gana premio mayor den ‘European Search Awards 2021’

Aruba a gana premio mayor den ‘European Search Awards 2021’

Posted on 05/30/2021 4:15 pm AST | Updated on 05/30/2021 4:16 pm AST

ORANJESTAD – E organisacion European Search Awards anualmente ta otorga y celebra e miho companianan y esnan trahando den e sector di PPC (Pay Per Click), SEO (Search Engine Optimization) y Content Marketing, a traves di un variedad amplio di sectornan di negoshi cu ta inspira innovacion, creatividad y conexion pa medio di plataformanan digital.

Desde maart 2021 Oficina di Turismo A.T.A. y agencia digital DEPT, cu kende A.T.A. ta traha, a wordo notifica cu nan a wordo nomina pa e premio di ‘Best Use of Search – Travel/Leisure (SEO)’ cu e programa di “Organic Search Strategy during COVID-19 Pandemic” y 27 di mei durante e ceremonia virtual a ricibi e grato noticia cu e premio a wordo otorga pa Aruba & DEPT!

Nos destinacion a wordo nomina y a competi cu 3 otro nominadonan cu ta Etihad Airways (aerolinea di United Arab Emirates), Aer Lingus (aerolinea di Irlanda) y Barceló Hotels (compania internacional di hotelnan).

Search Engine Optimization ta un proceso cu ta yuda pa mehora e calidad y cantidad di e trafico genera riba websites y ta haya su informacion for di un sistema cu ta detecta e manera con informacion ta wordo busca online.

Aruba su strategia pa cu e SEO durante e pandemia tawata un esfuerso di diferente partner hunto cu Aruba Tourism Authority.

Jaap Ellis Gerente di Benta y Mercadeo na Europa pa A.T.A. ta comenta: “E ta tremendo pa wordo elogia cu un premio asina grandi. Tin hopi competencia mundialmente riba e landscape digital di otro destinacionnan, aerolineanan y cadenanan di hotel. Nan tur tin e mesun meta: ta den contacto continuo cu clientenan.  Pa A.T.A. esey ta cu esnan cu ta bishita Aruba frecuente of cu den futuro ta interesa pa bishita nos destinacion. Pa tal motibo ta importante pa desaroya y mantene un plan strategico. E plan a wordo formula y activa door di un team di profesionalnan di Aruba Tourism Authority na Aruba y Europa. Esaki a wordo traha conhuntamente cu e compania DEPT Digital Agency cu ta e socio di Search Engine Optimization (SEO) ya for di prome pero tambe durante e pandemia di Covid. E oficina na Europa ta maneha 5 sites online di aruba.com den 5 diferente idioma y nan lo continua cu e plan strategico pa informa y atrae turistanan cu ta buscando un destinacion pa nan proximo vakantie.”

  • Spaña a detene un tanquero petrolero na caminda pa Aruba

    Spaña a detene un tanquero petrolero na caminda pa Aruba

    MADRID – Gobierno Spaño a detene un tanquero petrolero cu tabata na caminda pa Aruba, pa motibo cu e lo a causa un derame cuantioso di hydrocaruburo den laman Atlantico cerca di Islanan Canaria. Ta trata di e tanquero Aldan. E ultimo waf cu e tanquero a sali di dje mas probable tabata Venezuela. E ta aworaki den e haf di Almeria y lo keda eynan te ora cu e tanquero su hendenan paga e multa. “Mirando e seriedad di e situacion, nan por haya un di e sancionan mas pisa impone te awor”-, e representante di gobierno Spaño a bisa.  No ta conoci kico exacto e tanquero tabata contene. Unico cos cu nan sa cu e tabata na caminda pa Aruba, pero despues a desvia pa Venezuela unda cu tin un escases agudo di gasoline. 

  • Bapor crucero nobo ta pospone biahe inaugural debi cu algun tripulante a test positivo pa Covid19

    Bapor crucero nobo ta pospone biahe inaugural debi cu algun tripulante a test positivo pa Covid19

    MIAMI – Pendiente pa su biahe inaugural di su bapor crucero mas nobo Odyssey of the Seas, Royal Caribbean International mester a pospone esaki debi cu 8 di su tripulantenan a test positivo pa Covid19. Segun e CEO di e compania Michael Bayley, tur 1400 tripulante a vacuna dia 4 di juni ultimo y ta wordo considera completamente vacuna dia 18 di juni proximo. Esaki kier men cu e 8 tripulantenan a keda contagia despues di e prome vacuna. Di e 8 casonan, 6 tabata asimptomatico, y  2 tabatin simptoma leve. Tur cu a test positivo, mescos cu centenares di otro tripulante ta bou di cuarentena y ta wordo monitoria pa un ekipo medico. Odyssey of the Seas tabata programa pa Sali riba su biahe inaugural dia 3 di July proximo, pero a pospone esaki pa 31 di July. E anuncio ta bin menos cu un siman despues cu 2 pasahero a test positivo pa Covid19 riba un otro bapor di Royal Caribbean Group, Celebrity Millennium 

  • No obstante cu 2 pasahero a test positivo pa Covid19, bapor crucero lo sigui cu nan crucero

    No obstante cu 2 pasahero a test positivo pa Covid19, bapor crucero lo sigui cu nan crucero

    MIAMI - Royal Caribbean Group (RCL.N) y Carnival Corp (CCL.N) lio continua cu nan plan crucero no obstante cu 2 pasahero a test positivo pa Covid19 despues cu e bapor a bandona Aruba siman pasa. Asina e compania a informa dialuna mainta. Accionan den Royal Caribbean, Carnival Corp (CCL.N) y Norwegian Cruise Line Holdings Ltd (NCLH.N), a cay entre 1 pa 2% como reaccion riba e noticia di contagio di e dos pasaheronan. Mas comentario e compania no kier a duna. E la bisa si cu e compania en cuestion lo paga pa e dos pasaheronan biaha pa nan cas, mientras cu e bapor crucero lo sigui cu nan biahe te final.  

  • CDC: Aruba a pasa di nivel 4 pa nivel ‘desconoci’ di Covid19 pa biaheronan Mericano

     CDC: Aruba a pasa di nivel 4 pa nivel ‘desconoci’ di Covid19 pa biaheronan Mericano

    WASHINGTON – Aruba a bay di nivel 4 (esun mas halto contra biahe) pa ‘nivel desconoci’ di Covid19 cu ta esun mas abou cu nivel 1. Tabata e siman aki cu e Centro pa control di malesa y prevencion (CDC) a suavisa restriccion di biahe pa riba 110 pais y teritorio. Aruba tabata un di nan cu a conoce un cambio. Mientras cu e esun mas abou (gris)  esaki no necesariamente ta positivo, sino mas bien ta uno cu ta cuestiona e ‘nivel’ pa possible falta di informacion y ta pone cu no conoce e nivel di Aruba. Den cuadro di esaki, CDC ta bisa cu hasta turistanan Mericano cu ta completamente vacuna, por ta na risico pa contagia y plama e variantenan di Covid19. “Si bo tin cu biaha pa Aruba, sigura cu bo ta completamente vacuna’, e mensahe ta bisa. Entre nan ta pidi pa mantene e reglanan local manera uso di tapaboca y distancia social di 1 meter y mei. Di otro banda, e no ta prohibit Mericanonan di biaha pa Aruba y ta positivo cu ta pidi Mericanonan pa vacuna prome cu biaha. Esaki sinembargo no ta un siguransa cu e turista lo no contrae e virus. E siman aki dos turista Mericano cu tabata vacuna, y tabata riba e bapor crucero Millenium di Celebrity, a contagia cu e virus, despues di a sali for di Aruba. 

  • Trading Economics: Aruba number 7 di paisnan cu tasa di impuesto mas halto di mundo

    Trading Economics: Aruba number 7 di paisnan cu tasa di impuesto mas halto di mundo

    NEW YORK – Aruba ta number 7 den paisnan cu e tasa di impuesto mas halto na mundo. Un noticiac cu ta keda circula y cu awe ta bin di parti di e fuente Trading Economics. E pais Ivory Coast ta lidera e lista di 10 y Irlanda y Portugal ta cera e lista, ambos empata na di 10 lugar. E canal di television CNBC-TV18 a bay haci un comparacion di Merca unda cu esnan rico ta paga menos impuesto, y a compara esaki cu paisnan rond di mundo. Hulanda ta na di 9 lugar. Y paisnan grandi manera Japon ta na di 3 lugar y asina por sigui.  

  • Operacion mundial policial a genera centenares di detencion awe den operacion ANOM

    Operacion mundial policial a genera centenares di detencion awe den operacion ANOM

    AMSTERDAM – Como parti di un operacion ‘undercover’ mundial, polis na Hulanda a detene 49 persona diamars. Tambe a desmantela 25 laboratorio di droga y deposito y a confisca mas di 2 miyon euro na placa efectivo. Ayera a bira conoci cu departamentonan di polis rond mundo a bende telefonan na criminalnan pa por a ‘scucha nan’. Nan a lanta nan propio network di telefon bou di e nomber ANOM, unda cu usuarionan por a comunica cu otro cu codigo. Ta tin mas di 12 mil telefon den uso, cu a wordo usa durante un aña y mei den mas di 100 pais. Na tur, por a scucha casi 300 organisacion criminal internamente. Na tur, e operacion a resulta den 800 detencion internacional, 700 entrada hudicial y a confisca cantidadnan grandi di cocaine, crystal meth y placa efectivo. 

  • Powered by SETAR