Ta interoga Parlamentario Sevinger na Warda di Polis na Macuarima mes

ORANJESTAD – Contrario na e otro sospechosonan deteni den e caso penal di Avestruz, e ultimo sospechoso deteni esta ex minister y parlamentario Benny Sevinger ta wordo interoga na warda di polis mes unda cu e ta deteni, cu den e caso aki ta Macuarima. No ta conoci si su casa tambe ta wordo interoga na e warda di polis cu e ta deteni, cu ta Noord. Esaki pues kier men cu contrario na tur otro detenido cu tur dia ta(bata) wordo transporta pa oficina di Landsrecherche pa wordo interoga, sr Sevinger lo no presenta na Landsrecherche. E interogacion di sr Sevinger lo tuma lugar den presencia di su abogado mr David Kock awe mainta. 

DETENCION

Den e caso di detencion tambe, esaki a bay diferente manera cu a haci cu e otro sospechosonan. Den caso di sr Sevinger, a detene na un sitio comercial  riba un orario diferente cu tabata mainta tempran 6’or cu tabata e caso cu e otronan y transporte pa warda di Macuarima y usa porta di patras pa drenta cu e sospechoso en cuestion. Ademas no a detene na su residencia. No ta conoci pakico esaki tabata, siendo cu e casa di sr Sevinger si a wordo deteni na e residencia. No ta conoci si ta un strategia diferente cu autoridad ta usando debi cu e ta un Parlamentario of si ta pa motibonan di seguridad cu a opta pa haci esaki.