Pronto 'zipline' for di Hooiberg

ORANJESTAD – Como parti di celebracion di 350 aña di existencia di Korps Mariniers den Reino Hulandes, kazerne di mariniers na Aruba kier celebra esaki tambe y duna Aruba algo bek. Na Hulanda e celebracion aki a cuminsa caba y ta durante henter e aña aki. “E la cuminsa cu e estreno di e pelicula Michiel de Ruyter” na januari di e aña aki. Loke cu Kazerne na Aruba kier haci ta un evento special pa december, cu ainda ta keda secreto, pero tambe uno mas serca den tempo, cu ta pa mei di e aña aki. “Mi kier duna tur arubiano e chens pa for di e top di Hooiberg, baha uzando un ‘zip line’. Algo cu sigur lo ta un exito y cu mariniernan lo ta encarga di dje.

Comandante di Marinierskazerne Jan ten Hove a confirma na NoticiaCla.com cu kier pone e ‘liña’ aki di e largura total di ariba te abou na Hooiberg y tene e evento aki durante un periodo di 4 dia. “E arubiano cu kier haci esaki, tin cu subi e sero si riba su propio forza. Nos lo pidi un suma simbolico pa un bon causa, y e ora nan por baha cu un ziplijn bin abou. E otro idea ta uno cu e kier tene keto ainda, pasobra e no kier crea un expectativa cu despues no por keda logra. Nan ta den preparacion pa haci esaki y kier test esaki prome cu Sail Aruba mirando cu nan kier propaganda esaki durante e evento ey tambe