ARA Hulanda: Prestamo pa nos islanan mester aprobacion di Tweede Kamer

DEN HAAG – Algemene Rekenkamer di Hulanda ta kere cu Gobierno Hulandes mester pidi Tweede Kamer aprobacion den futuro, si otorga mas fianza na Corsou, Aruba y St Maarten. Den 2020 Hulanda a fia e islanan 621 miyon euro pa sostene e situacion di likides. Pa por a fia e islanan e placa aki, gobierno Hulandes a usa e acto di cu ta permiti nan di actua den forma di emergencia sin cu mester di aprobacion di Tweede Kamer. Algo cu nan kier pa cambia awor. “Pa por hustifica e derecho di presupuesto di Tweede Kamer, nos ta recomenda pa examina si ta possible pa pidi Tweede Kamer aprobacion adelanta, por medio di un ley regular presupuestario pa futuro prestamo”. 

E prome prestamo (137.6 miyon euro) segun Algemene Reken Kamer tabata un transaccion illegal pasobra Tweede Kamer y Senado a wordo informa solamente despues cu e placa a keda transferi caba. Ademas, ARA ta stipula cu Tweede Kamer no a haya chens pa evalua e risiconan na tempo anja pasa. “Nos ta recomenda pa cumpli cu e reglanan relevante y informa Parlamento na tempo pa dicho risiconann”.