Na Corsou, homber ta basha bala riba cas y bay sconde den e area mes

WILLEMSTAD - Pa di tantísimo biaha, outoridatnan a keda dirigí pa Kaya Dominico Herrera pa atendé ku kaso di bashamentu di bala.

Ayera esaki tabata e kaso un biaha mas. Outoridatnan a keda dirigí na e kaya ariba menshoná ayera, despues di a risibí informashon ku un hòmber den un pikòp a pasa i lòs un kantidat di tiru riba un kas. Despues di su akto, e hòmber a move for di e sitio i bai skonde den un kurá di kas no muchu leu for di kaminda e lòsmentu di bala a tuma lugá. Aktuashon rápido di polisnan di UST huntu ku tim di aresto i reshèrshinan a pone ku a rondoná e kas aki i mesora a logra detené e sospechoso.

A tene entrada hudisial tambe den un di e kasnan en buska di e arma di kandela, ku a keda usá den e kaso aki. E hòmber a keda transportá pa warda di polis, pendiente mas investigashon. E pikòp tambe a keda konfiská pendiente mas investigashon.

No ta promé biaha ku a registrá lòsmentu di bala den e área aki. Na vários okashon outoridatnan mester a atendé ku kasonan di lòsmentu di bala sin por a logra saka afó ken ta esun òf esnan responsabel.