Na Corsou comerciante ta cera tur su negoshinan incluso un hotel

WILLEMSTAD  – Den un WhatsApp ku a bai rònt ayera di parti di un komersiante lokal, ku tin diferente negoshi entre nan un hotèl, a partisipá su trahadónan ku desafortunadamente e tin di anunsiá ku e ta obligá di sera tur su negoshinan, entrante inmediato.

E komersiante den su anunsio na su trahadónan a bisa ku el a hasi tur loke ta posibel pa tene e negoshinan habrí i asina mantené kupo di trabou, pero e preshon di invershonistanan tabata di tal forma ku a push’é den bankarota.

For di ayera e trahadónan no mester yega na nan porta di trabou mas i desafortunadamente e no tin sufisiente fondo pa paga nan último salario.

Mènedjernan di kada negoshi lo sòru pa duna trahadónan ekiponan elektróniko, manera printer, mashin di kopia òf otro kosnan i pa nan tuma esaki komo parti di nan pago di salario.

Esnan mènedjernan por entregá e yabinan di kada negoshi na e doño di e edifisionan.

E komersiante ta finalisá su karta bisando ku tabata un plaser pa a traha ku nan i  e ta deseá tur e trahadó?nan tur kos bon den futuro.

Di e forma aki e komersiante a sera tur su negoshinan ayera.