Guardian Group Fatum Holding ta cumpra Boogaard Group

Posted on 2/5/2015, 5:41 PM AST | Updated on 2/5/2015, 5:53 PM AST

ORANJESTAD - Guardian Group Fatum Holding a anuncia awe cu Fatum Holding a adkiri di 100% di e capital den accion di e siguiente companianan, referi como Boogaard Group den Caribe Hulandes:

Boogaard Assurantiën N.V. y Elvira Verzekeringen N.V. na Aruba, Boogaard Assurantiën Bonaire B.V. na Boneiro, Seguros Brouwer N.V. na Corsou, Boogaard Insurances B.V. y Caribbean Insurance Brokers N.V. na Sint Maarten.

E finalisacion exitoso di e transaccion aki ta someti na aprobacion regulatorio.  

Segun e presidente y director ehecutivo di Guardian Group Fatum, dr. Steven Martina: “E adkisicion di e companianan aki di Boogaard den Caribe Hulandes ta sigui fortalece y respalda e posicion di Guardian Group Fatum como e proveedor lider di e intermediarionan independiente di e agencianan di seguro y producto y servicio di seguro den Caribe Hulandes, loke ta crucial pa e obhetivonan strategico di GG Fatum. E adkisicion aki lo consolida nos posicion como e compania lider den e sector di seguro a traves di tur nos mercadonan principal, pa asina cumpli cu nos obhetivo strategico y demostra nos confiansa y compromiso pa cu e pueblo y economianan di Caribe Hulandes”.