Na Corsou mayornan a protesta kontra prueba di efo Hulandes y ‘hoofdrekenen’

WILLEMSTAD - E prueba di EFO pa loke ta ulandes i Hoofdrekenen e aña aki a laga e kriaturanan di grupo 8 di skol di fundeshi ku basta strès. Por konsiderá e pruebanan aki hopi difísil pa e muchanan manehá.

Den kombersashon ku mayornan, nan a splika ku e ‘Hoofdrekenen’ tabata manera ‘redactie’. Hopi teksto a duna e muchanan. No solamente e muchanan mester a konta for di kabes, pero nan mester a lesa hopi pa por yega na kontestanan.

E prueba di EFO di ulandes tambe a laga di deseá. E hóbennan di grupo 8 ta haña un lista di palabra pa nan siña pa nan por traha nan prueba final. Pero ora e prueba a bin e tabata kontené hopi palabra bieu di ulandes i tambe a usa palabranan moderno di téknikanan di kòmpiuter entre otro, ku no a forma parti di e lista ku e muchanan a haña pa siña.

Esaki ta komprendibel pa e mayornan, i mas ainda teniendo na kuenta ku ya e muchanan tabata den e situashon difísil di Covid, un normal ku nan mester a kustumbrá kuné, nan tabatin diferente siman ku e lèsnan tabata online i awor e pruebanan final ta bin kompletamente fuera di proporshon. Maestronan tambe a duna e mayornan rason den nan protesta. Siman pasa e mayornan a bai departamento di enseñansa pa nan protesta i despues a bai Fòrti tambe pa entrega nan profeta. A komprondé, no tin konfirmá si ainda, ku probablemente lo baha e ‘normering” pa asina por husga e prueba tòg di un forma hustu. NOTA: Texto ta na papiamento fonetico di Corsou.