Tony Rampersaud di Corsou aresta na Barranquilla

WILLEMSTAD. – Konforme informashon for di Barranquilla Colombia, Polis Nashonal huntu ku Forsa Armá i agentenan di DEA, FBI i Reino Uní a logra arestá dos figura basta grandi den e mundu narkótika na Colombia. Un di nan ta un hòmber prosedente di Kòrsou Anthony Deo Rampersaud Bhajan alias Tony. E hòmber aki a keda arestá na su kas na Barranquilla i ta hasi menshon ku e forma luhoso ku e tabata hiba. Anthony tabata riba lista di Interpol for di desèmber di aña 2019. Merka tabata buska paradero di Anthony pa basta tempu kaba. Na ta informa cu Tony ta 'procedente di Corsou'. 

Anthony ta forma parti di e asina yamá “Clan del Golfo” ku ta un  organisashon di narkótika poderoso.

E loke ku a delantá su aresto ta e forma pekuliar ku e tabata biba. E luho ku tabata kompañá Anthony tabata remarkabel. E tabatin masha hopi outo luhoso, tur tipo di motersaikel i tabata biba den un manshon grandi i super luhoso. Durante su aresto a konfiská un arsenal grandi di arma di kandela. Anthony ta un di e partnernan finansiadó di Juan Jose Valencia Zuluaga alias Flacon òf tambe ta keda yamá  Andreas

Segun outoridatnan anti narkótika, for di e époka di Pablo Escobar, nan no a topa ku e tipo di luho aki. E grupo aki tabata reklutá hopi hóben pa traha pa nan. E grupo aki tabata sòru pa droga yega Bèlgika, Guatemala, República Dominicana i Merka. E plaka ku tabata lora den e grupo aki ta kore den 60 mil mion dòler mensual i ta manehá mas o ménos 225 integrante den nan organisashon kriminal. NOTA: Texto ta na papiamento fonetico di Corsou.