Ya e prome tormenta di temporada di horcan a nace y yama Ana

MIAMI – E prome tormenta di temporada di horcan pa laman Atlantico a nace diasabra, y a haya e nomber di Ana. Sinembargo e ta un tormenta subtropical, y su bida lo no ta largo. E ta un señal si, manera aña pasa, cu e temporada lo ta uno hopi active. E comienso oficial di e temporada ta diamars 1 di juni proximo,y ta pronostica cu tin un temporada hopi activo. Aña pasa e tabata asina activo cu a pone cu tur e nombernan stipula regular a wordo usa y mester a usa 5 nomber di e alfabet griego. Pa loke ta Ana, el a nace diasabra mainta y tabata situa 330 km nortoost di Bermuda. For di 2015, tin tormentanan cu ta inicia prome cu e temporada oficial inicia.