Aruba ta den top 10 di destinacionan pa turistanan Mericano cu a vacuna

ORANJESTAD – Segun e portak Kayak, Aruba ta den e top 10 di paisnan mas solicita pa Mericanonan como un destinacion pa ricibi Mericanonan vacuna. E prome pais ta San Jose Costa Rica, y e ultimo di e top 10 ta Cairo, Egypto. Aruba ta figura como e number 4 aunke no tin e sitionan numera, pero ta aparece segun e orden ey den e raportahe. E titulo ta vaxication destinations, osea destinacionan vacuna. Esey sigur ta un bon incentivo pa Mericanonan. Te cu diasabra anochi, 60 mil persona ta vacuna di cual 40 mi a a ricibi dos vacuna. E intencion di e top 10 ta pa yuda turistanan busca un lugar cu ta ok pa bishita, y cu tin e situacion di tal forma regla cu e ta ‘safe’ pa turistanan. 

PROHIBICION

No obstante e bon noticia aki, segun e portal di Center for Disease Control CDC, Aruba keto bay segun e informacion di 19 di mei 2021, ta riba nivel 4 cu ta nivel halto pa no biaha pa Aruba. E nota no ta prohibi bo di biaha, sino ta sugeri pa no biaha. “Si bo tin cu biaha pa Aruba, vacuna prome” e mensahe ta bisa. Pa lesa e articulo positivo, click AKI