Na Argentina a acusa 7 medico cu homicidio relaciona cu morto di Diego Maradona

BUENOS AIRES – Un total di 7 medico professional a keda acusa formalmente di homicidio despues di un investigacion riba morto di e futbolista Diego Maradona. E astro Argentino a fayece na November 2020 di fayo di cuerazon, e mesun luna cu el a pasa exitosamente den un operacion di hematoma subdural, mas conoci como un conopi di sanger den cerebro. Fiscalnan Argentino a prohibi e 7 mediconan di bandona e pais. Entre e sospechosonan tin neurocerugano Leopoldo Luque, y psiciatra Agustina Cosachov. Ta culpa nan entre otro di negligencia medico cu por a conduci na morto di Maradona. Lo cuminsa interoga e sospechosonan entrante 31 di mei y nan por haya sentencia di 8 pa 25 aña di castigo di prison si haya nan culpable.