Na Corsou: Iregularidad na cas di cuido; ya tin 12 morto di Covid den 1 luna

WILLEMSTAD - Un grupo di trahadó a kuminsá aserka un büró di arbo pa duna keho kontra di nan direktor di un kas di Kuido. E direktor aki a skonde ku un di e koleganan tabatin Covid, husgando ku ta trata di algu priva, ku tur e konsekuensianan ku esaki a trese kuné. A papia ku vários di e trahadónan ku ta hopi rabia ku e situashon. Mas ainda pasobra na e kas di Kuido aki (nòmber ta konosí pa EXTRA) den un luna di tempu tin 12 habitante ku a fayesé di Covid. Ora nan a buska pa sa e situashon na otro kasnan di kuido, asta esun mas grandi ku riba 100 habitante, a resultá ku apénas un morto tabatin debí na Covid.

 Segun e informashon ricibi, un trahadó na e kas di kuido aki tabatin Covid. E tabata sinta tur dia serka e abitantenan na e kas di kuido. Ora el a haña sa ku e tin Covid, el a pidi e direktor pa no bisa esaki. El a pidi pa bisa ku e ta den karentena pasobra un stazjèr tin Covid.

 Un investigashon mas aleu a mustra ku e stazjèr aki niun momentu so a pega e abitantenan i asta koleganan mes ku Covid. Tabatin un kolega ku asta a keda interná den Kuido Intensivo. Tur esaki pasobra esun solo kolega ku kooperashon di su hefe a skonde e informashon i asta a tira falta riba un stazjèr.

Ora e abitantenan tabata bira malu a keda ku ta simplemente grip nan tabatin pasobra no a informá di niun hende ku Covid den e sentro. Ta ora a bai averiguá, mirando kon un tras di otro tabata fayesé a konstatá ku ta Covid nan tabatin. Texto ta den Papiamento di Corsou, den forma fonetico.