Na Corsou, plantacion di marihuana desmantela y homber detene

WILLEMSTAD - Un biaha mas outoridatnan a desmantelá un plantashon di mariwana i a realisá un detenshon. Djárason alrededor di kuartu pa diesun di mainta, personal di Warda di Polis di Barber konhuntamente ku personal di Divishon di Krímen Organisá, a tene entrada hudisial na un adrès na Groot Sta. Martha. E entrada hudisial akí ta relashoná ku violashon di e lei di opio. Durante investigashon polis a haña i a konfiská un total di 123 planchi di mariwana. Tambe  a konfiská atributonan pa e kultivo di e droganan. Na e sitio e agentenan a detené e habitante di e kas. Ta trata di e hòmber sospechoso di 35 aña di edat nasé na Kòrsou. A presentá e sospechoso dilanti un fiskal ouksiliar ku a ordená su enkarselamentu pendiente di mas investigashon. Texto ta den Papiamento di Corsou, den forma fonetico.