Oduber: Ningun permiso a wordo otorga ainda pa cultiva cannabis medicinal na Aruba

Oduber: Ningun permiso a wordo otorga ainda pa cultiva cannabis medicinal na Aruba

Posted on 05/19/2021 11:17 am AST | Updated on 05/19/2021 11:20 am AST

ORANJESTAD – “Ningun permiso a wordo otorga te na e momentonan aki y mucho informacion di vertical designs ami como minister di Salud no tin”. Asina sr Dangui Oduber a bisa noticiacla diaranson riba e noticia cu a sali cu tin un compania cu ta cla pa cuminsa cultiva Cannabis medicinal na Aruba. Segun un articulo internacional, e luna aki e compania Canades Affinor Growers Inc. a anuncia cu nan tin un ‘letter of intent’ cu e compania local Vertical Designs Aruba, cu ta haci nan doño di e compania estableci na 2018 cu e meta original pa produci fruta y  berdura. E compania local ta un di esnan cu ta cla pa entrega un proposicion pa e haya licensia pa produci cannabis medicinal for di Gobierno di Aruba. E relato internacional ta bisa cu e deal ta depende di e otorgamento di e licensia for di Gobierno. Tin informacion cu esaki lo a sosode caba y cu tur cos ta cla. E noticia ey a causa ‘conmocion’ den comunidad y hasta lider di e partido RED Ricardo Croes a reclama cu lo tin ‘letter of intent’ cu ta circula. E parlamentario no ta contento cu gobierno no a pasa e ley ainda y como tal no a cumpli cu e programa di gobernacion. Ademas e no ta kere cu e ley lo pasa ainda prome cu e eleccion proximo.

LEY TA CLA?

Riba pregunta di e portal aki na e mandatario, el a contesta:” Gobierno ta den proceso pa haci cambionan den ley pa permiti cultivacion di cannabis na Aruba. E ley ta cla y lo mester ta na caminda pa parlamento”. Mes momento e mandatario no tabata sigur si lo logra esaki awor. “Nos no sa si promer cu eleccion e por wordo trata”. Ademas e mandatario a bisa si cu a cuminsa e proceso di destaho publico pa otorgacion di permiso di cultivacion. “Lo mester check cu e comision cu ta atende cu e destaho publico pa wak si e compania en cuestion a expresa interes pa participa na e destaho publico”, e mandatario a sigui bisa. E mandatario a sigura e portal si cu ‘promer cu bai over na duna cualkier permiso, e ley lo mester wordo aproba den parlamento di Aruba’. 

PRODUCCION

Pa loke ta e produccion cu e compania ta papia di dje, nan ta mustra cu unabez cu e prome 2300 pa 2700 kilo di cannabis keda produci, lo exporta esaki y bende na e un suma pre aproba, e compania ta considera esaki como un logro grandi.    

  • Cu ley nobo riba bienestar di bestia, gobierno kier combati abuso extremo di mascota

    Cu ley nobo riba bienestar di bestia, gobierno kier combati abuso extremo di mascota

    ORANJESTAD - Recientemente oficina di e minister di naturalesa y medio ambiente Ursell Arends conhuntamente cu diferente fundacion di rescate y tambe KPA a ricibi informacion di un caso extremo di abuso di animal. E caso aki ta encera un cantidad di cacho di diferente rasa bou condicionnan hororoso y simplemente inaceptabel. Acomparti e imagennan di e cacho cu ta esun den condicion mas critico actualmente, despues di a wordo exponi na crueldad y abuso extremo di su mesun doño.  

  • Entrante augustus 2024, alumnonan di klas 1 lo siña lesa y scirbi na Papiamento!

    Entrante augustus 2024, alumnonan di klas 1 lo siña lesa y scirbi na Papiamento!

    ORANJESTAD – E siman aki durante Conferencia di Prensa di Gobierno di Aruba, Minister Endy Croes a anuncia e maneho di idioma nobo pa proximo aña escolar. Pues desde aña escolar 2024-2025, e alumnonan di klas 1 di scol basico lo siña lesa y skirbi na Papiamento. Lo duna Hulandes como materia y acopla na loke e mucha por den Papiamento.  E maneho di idioma ta basa riba recomendacion 2 di e rapport Doorlichting van het Arubaanse Onderwijsstelsel: elegi un maneho di idioma concreto y consecuente (maak een eenduidige en consequente keuze in het taalbeleid). A base di esaki, a pidi e expertonan di Departamento di Enseñansa (DEA) pa haci un investigacion profundo riba e tema aki, den forma di un debate nacional hunto cu diferente experto y stakeholder den enseñansa y afo di enseñansa. E discusion pa scoge e ley di maneho di idioma pa Aruba a inicia desde aña 1819, pues 205 aña pasa. Na aña 1819, Gobernado General Sr. Albert Kikkert a enfatisa cu mal dominio di e idioma Hulandes tin efecto negativo riba otro materia y pa tin Hulandes como e unico idioma di instruccion no ta e forma mas adecua pa enseñansa na Aruba. Algun aña despues, Sr. Hamelberg y Sr. van Kol a ripiti esaki. E problema ta sinta na momento cu e muchanan sali di scol preparatorio y cuminsa scol basico, paso, ta haci mane e muchanan tin un vocabulario basico di 6000 palabra na Hulandes, cual ta totalmente eroneo. Segun rapport di CBS den 80% Papiamento ta e idioma mas papia na cas. Banda di esaki, den  28% di e hogarnan nan Aruba, Spaño ta e idioma mas papia. Den caso di Ingles ta 16 % y den caso di Hulandes ta trata di 13%. Cu e base fuerte di e idioma Papiamento, e muchanan por siña e otro idiomanan di un forma hopi mas efectivo.

  • Vrolijk: Reunion di consulta di riba ley matrimonio mesun sexo ta termina na april!

    Vrolijk: Reunion di consulta di riba ley matrimonio mesun sexo  ta termina na april!

    ORANJESTAD – Presidente di Parlamento Edgard Vrolijk a programa e reunion solicita pa fraccion di RAIZ, pasobra e la wordo notifica pa parlamentario Guedez Erasmus, cu pa luna di april 2024, e reunionan di consulta riba e concepto di ley di matrimonio di mesun sexo ta termina. Asina e la informa Noticiacla.com diaranson anochi y a mustra e carta den cual e ta informa e fraccion RAIZ. 

  • Segun RAIZ, Vrolijk a concede: Reunion pa ley matrimonio mesun sexo ta na mei

    Segun RAIZ, Vrolijk a concede: Reunion pa ley matrimonio mesun sexo ta na mei

    ORANJESTAD – Presidente di Parlamento Edgard Vrolijk a cumpli toch cu e peticion di partido RAIZ y a condece e reunion solicita riba tema di matrimonio di mesun sexo. Diaranson anochi laat, e partido RAIZ a confirma cu Vrolijk a confirma e fecha di 8 di mei 2024 unda Parlamento di Aruba lo haya oportunidad democratico pa vota riba e ley. No ta conoci si esey ta e motibo di e conferencia di prensa yama awe diaranson, pero ta mustra asina awor si. Esey ta nifica cu Vrolijk sea a baha cabez pa RAIZ, y concede e reunion toch, of cu mientrastanto e trabou di parlamentario Guedes a termina diripiente cu a pone cu awor si por yama e reunion. 

  • Deadline a vence pa MEP: Diahuebs Raiz ta contesta!

    Deadline a vence pa MEP: Diahuebs Raiz ta contesta!

    ORANJESTAD – Deadline a pasa pa presidente di Parlamento (lesa: MEP). Awor palabra ta na fraccion di partido RAIZ. Diaranson 5’or di atardi, e ultimatum cu fraccion di partido RAIZ (lesa :Misha Raymond ) a pone pa presidente di Parlamento Edgard Vrolijk yama e reunion pa trata e ley di matrimonio di mesun sexo den Parlamento. E deadline a pasa, y nada no a sosode, manera cu por a spera. E prome pa reacciona, tabata lider di partido ACCION21, Miguel Mansur cu a pone riba su pagina di Facebook ‘Kico awor??” cu algun option. Mientrastanto atardi, e fraccion di RAIZ a yama un conferencia di prensa pa diahuebs 11’or di mainta cu e unico tema, ‘Matrimonio pa pareha di mesun sexo”. 

  • Gobierno a aumenta suma liber di impuesto riba ekipahe di biahero

    Gobierno a aumenta suma liber di impuesto riba ekipahe di  biahero

    ORANJESTAD - Minister Xiomara Maduro a informa cu entrante 1 di april 2024 e suma di exoneracion di impuesto riba ekipahe di biaheronan ta aumenta di AWG 400 pa AWG 900. 

  • Zulo
  • Varadero
  • Powered by SETAR