Rindiendo respet na hulandesnan fayeci den tragedia

ORANJESTAD – Relaciona cu e accidente area di e avion Malaysia Air diahuebs, cu a laga un saldo di 173 hulandes morto, Gobierno di Reino a ordena tur bandera di lugarnan publico na halfstok. Aki na Aruba tambe esaki tabata e caso y por a mira for di diabierna mainta, varios instancia oficial (gobernador, gobierno, VNO y otronan) cu a duna oido na e orden aki y a baha e bandera hulandes halfstok. No ta conoci cuanto dia esaki lo ta, pero si cu ta oficial cu Hulanda y Gobierno di Reino ta oficialmente di luto.

Mientras cu e no a manda un mensahe oficial (publico ) pa Hulanda riba e suseso, premier Eman a dirigi algun palabra na comunidad hulandes net despues cu e la termina su welga di hamber. A pidi tambe un minuut di silencio. Gobierno di Corsou a manda un carta di condolencia pa gobierno di Hulanda pa mustra nan convivencia. Riba e fotonan di NoticiaCla por tuma nota di e varios edificionan cu a baha nan bandera hulandes halfstok.