Na Corsou, polis encarcela tin Covid19 den prizon

WILLEMSTAD - Un di e tres agentenan polisial maskulino kual a regresá prizòn dia 8 di mei último, a tèst positivo pa e vírus COVID-19. Esaki a kai di sorpresa, mirando ku promé ku nan a drenta e sentro bèk tur hende mester a tèst negativo. Awor 9 dia despues 1 a tèst positivo. Tin tur probabilidat ku e dos otro agentenan tambe lo por a kontagiá mirando ku nan ta huntu den 1 sèl den e departamento di barak na Sentro di Detenshon i Korekshon Kòrsou. Awor mester bai wak kon ta posibel ku maske prizòn a tuma tur medida pa ku COVID-19, tòg tin detenido ku a kontagiá. Anteriormente tabatin 3 kaso di detenidonan ku a kontagiá den e sentro.

A komprondé tambe ku e agentenan aki ta pasando hopi mal ratu. Nan ta enkarselá den un sèl na barak kual ta hopi sushi i no ta higiéniko pa ningun hende. Ketu bai prizòn ta hopi yen i kasi no tin espasio pa enkarselá hende. Nan a reklamá esaki, pero nada a bin afó. No ta promé biaha ku detenidonan ta reklamá tokante sèl sushi.