Cantidad di caso positivo di Covid19 a baha cu 25% na Hulanda

AMSTERDAM – E ultimo siman e cantidad di test positivo pa Covid19 a baha cu 25% compara cu e 7 dianan proime. Na tur a registra siman pasa 35.142 caso positivo compara cu 47.108 e siman prome, segun e raportahe di Rijks Instituut vor Volksgezondheid en Millieu. E caida den caso ta pasobra posiblemente menos hende a laga test nan mes (-23%). E siman cu a pasa 272.681 a laga nan mes test, mientras cu e siman prome esaki tabata 353.012. E caida tambe tin di haber cu e vacacion di mei y e fin di siman largo di Asuncion.