- Parlamentario Ryçond Santos Do Nascimento ta invitado den Noticiacla LIVE awe nochi
- Otmar Oduber: Testigo principal pa defensa den caso Flamingo no por declara dilanti Huez Comisario
- Gobierno y CAFT ta den proceso pa reemplaza actual miembro pa Aruba ora su termino vence
- Oduber: Maneho nobo pa haya permiso pa hotel; Ta permiti solamente Boutique hotels!
- AZV: Contracto cu dentista Mayra Rosales ta termina
Jacobs na Knops: Bo ta actuando sin autorisacion contra St Maarten!
PHILLIPSBURG – Secretario di estado Hulandes sr Raymond Knops ta actuando sin autorsacion, y Hulanda mester cumpli cu e pago di e di 5 tranche (ayudo di likides di 39 miyon florin) pa St Maarten, y si ta possible, prome cu 21 di mei proximo. Asina prome minister di St Maarten sra Silveria Jacobs a contesta secretario Knops den un carta di 4 pagina e siman aki. Sra Jacobs ta contesta Knops y ta mustre riba su falta di autoridad y incumplimento di parti di Hulanda y cu como tal e isla mester haya su placa priminti awor. Knops no ta autorisa pa papia na nomber di Conseho di Minister di Reino, y ademas ta impone condicionan extra cu no a keda palabra cu gobierno di Hulanda.
AUTORISA
Den e carta, sra Jacobs ta cuminsa na recorda Knops di e acuerdo cu a cera y kico tur a bin e momento ey na ordo. E momento cu Hulanda a dicidi pa otorga St Maarten e ayudo di lidikes # 5,, e ora Knops si tabatin mandado di gobierno di Reino. Mientrastanto nada no a cambia awor, segun Jacobs, te pa Knops dicidi riba su mes awor pa para e proceso di pago pa e isla. Como tal ta considera e actuacion di Knops como ‘ilegal’ y no corecto y pesey ta exigi di dje pa cumpli cu e pago. Pa loke ta e situacion di e proyecto di aeropuerto, aki tambe segun Jacobs, Knops ta actuando robez y no tin e informacion corecto. Aki Knops ta reclama cu a desvia y cu e proyecto no ta canando bon etc y cu ta violando acuerdo. Segun Jacobs, esaki no ta berdad y cu Knops no tin informacion corecto. Pues no ta mira pakico aki tambe Knops ta mete y pa colmo cu informacion incorecto. Por wak e carta di sra Jacobs pa sr Knops AKI.
Fin di siman aki gobierno nobo di St Maarten ta huramenta porfin
PHILIPSBURG-. Porfin tin un fecha tentativo pa e gobièrnu nobo di St. Maarten hura i asina tuma asiento. Esaki ta djaweps 25 aprel awor loke ta 2 siman lat ku formadó, Luc Mercelina a spera.
Gobierno Hulandes ta investigando su embahador na Colombia
DEN HAAG – Minister demisionario di relacionan exterior Bruins Slot (Buitenlandse Zaken) ta bay investiga si su embahador na Colombia Reina Buijs a surpasa su autoridad door di firma un documento sosteniendo e organisacion di Nacionan Uni UNRWA. E organisacion aki ta bou di presion internacional pa supuesto envolvimento di colabodornan di e organisacion den e atake di terror na Hamas aña pasa October. Merca y Hulanda a congela e sosten financiero na e organisacion aki te proximo aviso.
St Eustatius ta haya gezaghebber femenino Alida Francis
ORANJESTAD -- E siman aki señora Alida Francis a huramenta como gezaghebber nobo di Sint Eustatius. Pa prome biaha den historia di e isla un hende muhe ta gezaghebber.
Screening ministernan pa gobierno nobo di St. Maarten porfin ta den fase final
PHILIPSBURG - Den wikènt tras di lomba porfin informashon verídiko a drenta ku ta duna un indikashon ku e proseso di formashon di un gobièrnu nobo pa St. Maarten ta yegando den su fase final. Ta spera ku pa fin di e siman aki e seremonia pa hura e ministernan nobo di gabinete Mercelina i ta tuma lugá.
Tres Colombianonan ‘perdi’, lo a bandona barco crucero intencionalmente
MIAMI – E tres pasaheronan crucero Colombiano cu a ‘disparce’ despues di a bishita Tortola durante un crucero riba e barco crucero di NCL, Norwegian Sky, ta resulta cu a bandona e barco intencionalmente pa no bolbe. Noticiacla a raporta riba esaki recientemente, unda cu a bati alarma ora cu e barco a sali sin e tres personanan, unda cu a cuminsa un buskeda pa nan. AWor ta resulta cu ora cu autoridad a check e cabina di e tres pasaheronan, a haya esaki completamente bashi. Pues nan lo a bandona e barco cu tur nan pertenencianan, cu ta mustra straño, sin cu e personal di e barco a nota esaki. Mientrastanto e buskeda ta continua pa e tres personanan na Tortola. E tres Colombianonan tabata riba un crucero cu a caba pasa Aruba y Corsou tambe, pa despues yega Tortola. Aki ta unda e problemanan a cuminsa.
Tres pasahero Colombiano cu a pasa Aruba riba barco crucero, ta ‘perdi’ despues di a yega Tortola
TORTOLA – Tres pasahero biahando riba e barco crucero Norwegian Sky ta raporta como perdi despues cu e siman aki e barco a pasa Tortola, Isla Virgen Britanico. E barco prome cu esey a pasa Aruba tambe, pero ta na Tortola a sinti nan falta. E polis local a cuminsa un buskeda di e tres personanan, di nacionalidad Colombiano. Ta trata di Jean Carlo Ospina Cano, Pamela Mesa Escobar, y Yesica Yojana Marin Ramirez. No ta conoci si nan ta famia y si nan a keda tera ‘intencionalmente’ of si algo por a pasa nan.
Follow NoticiaCla
