Miss Corsou Chantal Wiertz entre e 21 muhernan mas bunita di mundo

WILLEMSTAD - Ayera nochi un biaha mas tabata basta emoshonante pa pueblo di Kòrsou kompleto pa nos a sinta presensiá e elekshon di muhénan di mas bunita i inteligente na mundu. Sertámen ku a tuma lugá na Hollywood Floria den Seminole Hard Rock Hotel i ku 74 partisipante. I nos representante Chantal Wiertz a dominá, saliendo den e 21 muhénan di mas bunita i inteligente na mundu. Sigur un bon representante, kada un di su presentashonnan el a resaltá.

Chantal a dominá media sosial despues di su aparishon i ora a sali na kla ku ta un dama outista. El a demostrá ku ser un outista no tin límite; e ta simplemente diferente pero no ménos ku niun otro. I Chantal Wiertz a yega den e tòp 21 damanan na mundu.

For di Puerto Rico e organisashon Aliansa di outismo a publiká un relato largu elogiando e dama yu di Kourou, un hóben outista ku a demostrá ku e tambe por. E relato ta papia di “masking” esta hasi ku bo ta un hende ku bo no ta. Trata na hasi komo sifuera bo ta algu diferente. Esei hopi bia pasobra nos ta husga e outista, i Chantal ta habri e porta pa nos aki na Kòrsou komprondé ku ser outista ta un derechi igual ku tur. Un pabien na Chantal Wiertz ku a sòru di dominá ayera nochi.

E ganadó finalmente a resultá Miss Mexico Andrea Meza ku tabatin un bon presentashon i a kontesta su pregunta ku siguransa.

E promé finalista a resultá Brasil Julia Gama, e di dos finalista Perú Janick Maceta del Castillo e di tres finalista India Atline Castelino i e di kuater finalista miss Repúblika Dominikana Kimberly Jimenez.

Chantal parse ta yega Kòrsou djárason awor.