WILLEMSTAD.- Polisnan parse di ta solushonando un kaso di tiroteo i menasa ku tabatin na un adrès den Blanquillaweg i tambe Haitiweg kual a tuma lugá dia 29 di aprel último.
Polis ta informá ku kontinuando ku investigashon relashoná ku un kaso di menasa i posishon di arma di
kandela ku a tuma lugá na Blanquillaweg dia 29 aprel 2021, polis a hasi un detenshon. E detenshon a tuma lugá djárason 12 di mei 2021, alrededor di 08.40 or tim di aresto riba òrdu di fiskal di Ministerio Públiko, a detené e hòmber sospechoso Y.Y.C. nasé na Kòrsou di 38 aña di edat, riba Inaguaweg relashoná ku e kaso ariba menshoná.
Seguidamente reshèrshinan di VVC konhuntamente ku personal di UST a tene entrada
hudisial den un kas na Haitiweg. Durante investigashon na e kas polis a konfiská telefònnan selular i a detené e dama C.N.D. nasé na Jamaica di 30 aña di edat, pa violashon di lei di opio.
Den koperashon ku HITeam a kita outonan bieu ku tabatin basta tempu poné riba kaminda públiko. Aqualectra i Duana tambe a asistí polis den e investigashon aki.
A presentá ámbos sospechoso dilanti un fiskal ouksiliar kaminda despues di interogashon e dama C.N.D. a rekobrá su libertat, miéntras a ordená enkarselamentu di Y.Y.C. pendiente di mas investigashon.
Manera indiká e investigashon a sigui i ayera djaweps 13 di mei, e Tim di Aresto a detené dos otro sospechoso.
E detenshon a tuma lugá alrededor di 05.25 or durante di un entrada hudisial na un adrès na Schonegevelstraat. E
tim ariba menshoná a detené e hòmber sospechoso G.J.N.C. di 28 aña di edat nasé na Kòrsou.
E detenshon aki tambe ta relashoná ku e kaso di tiramentu ku a tuma lugá dia 29 di aprel último den Blanquillaweg, i ku lo tin vínkulo ku un kaso di tiramentu ku riba mesun dia ku a tuma lugá den Haitiweg.
Ta sospechá e hòmber aki di intento di asesinato, maltrato, menasa, violashon di lei di arma di kandela i violashon di lei di opio.
Durante di e entrada hudisial a haña i konfiská un kantidat di droga den e bibienda.
Na e adrès aki a detené e partner di e sospechoso, e dama R.C.W. di 30 aña di edat nase na Kòrsou.
A presentá ámbos sospechoso dilanti di un fiskal ouksiliar ku a ordená enkarselamentu di e
hòmber C. pendiente di mas investigashon. E dama den e kasi aki W. tambe por a bai kas despues di interogashon.
Dia 29 di aprel den oranan di atardi, algun hòmber den un outo a yega na e adrès na Haitiweg i a basha bala. Un dama a haña bala den pia i un hòmber a haña skarmai bala na garganta. Mas anochi tabatin bashamentu di bala den Blanquillaweg, aki niun hende a keda heridá.
Dia 3 di mei tambe outoridatnan a hasi detenshon di un hòmber den e kaso di Haitiweg.
WILLEMSTAD - Minister di enseñansa sr. Sithree van Heydoonr a manda karta pa parlamento kaminda e ta pidi un reunion di komishon sentral pa por deliberá riba periodo di kalor na skol.
WILLEMSTAD - Ultimo añanan tras di lomba a traha duru riba kòntraktnan nobo pa e unidatnan aéreo pa Wardakosta Karibe Hulandes. Meta di a sera e kòntraktnan aki ta un provedor di servisio konfiabel pa Wardakosta i unidatnan aéreo moderno, ekipá ku hèrmèntnan teknológiko ku ta yuda den ehekushon di e tareanan di Wardakosta.
WILLEMSTAD - Apesar ku asuntu di refugiado ta keda un responsabilidat outónomo di kada pais den Reino, gobièrnu Hulandes ta dispuesto pa yuda Kòrsou, Aruba i St. Maarten ku ayudo tékniko den kaso ku pidi pa esaki. Gobièrnu Hulandes ta enfatisá sinembargo ku ta importante ku ta habri diálogo ku organisashonnan no gubernamental pa optimalisá kolaborashon.
WILLEMSTAD - Diesocho instituto di enseñansa i konosementu di e parti karibense di Reino i Hulanda ta bai sigui strukturá i intensivá nan koperashon riba tereno di enseñansa, investigashon i siensia. Asina por ehèmpel nan kier bai desaroyá entre otro programanan di enseñansa konhuntamente. E kolaborashon speshal ta resultado di e mishon di konosementu den e área karibense bou di liderazgo di minister Dijkgraaf (Enseñansa, Kultura i Siensia). Djabièrnè último a klousurá esei na Kòrsou.
WILLEMSTAD - E frakshon di MFK ta hopi preokupá ku kasnan ku no tin suministro ainda di awa. P’esei nan ke un reunion públiko, kaminda ta invitá minister Ruthmilda Larmonie-Cecilia i su kolega minister Ruisandro Cijnte pa ta den sala di parlamento i asina debatí ku nan riba e tópiko aki.
WILLEMSTAD. – E akusado V.V. (33) nasé na Aruba su kaso a keda tratá den su ousensia. Segun akusashon dia 21 di febrüari último, el a trata na eksportá 1.535 gram di mariwana.