Partido CURPA so falta pa completa firmanan pa bay eleccion

ORANJESTAD – Partido politico CURPA ta e unico cu ainda falta firma pa por concretisa nan participacion pa e eleccion Parlamentario di juni proximo. Diahuebs anochi e conteo a cera na 502 firma, cu ta nifica cu e partido falta ‘apenas’ 85 firma pa logra nan meta tambe. Inicialmente a pensa cu lo dura te cu diamars otro siman cu ta e ultimo dia pa logra esaki. Pero awor ta parce cu (mescos cu otro partidonan), cos ta bay mas liher. E lider di partido Eric Ras tin tur confiansa cu e partido lo logra nan meta. Si CURPA logra, esey kier men cu tur 8 partido cu tabata mester di firma, a logra y cu 12 partido cu a inicialmente inscribe un siman pasa, lo participa na e eleccion. Diahuebs atardi e partido HTC tambe a logra su cantiad rekeri di 587 firma.