Ciudadanonan cu a ricibi dos vacuna contra Covid19, no mester test ora di bolbe Aruba

ORANJESTAD – Gobierno a dicidi cu esnan na Aruba cu a tuma dos dosis di e vacuna contra Covid19, y biaha, ora di bolbe no mester haci e PCR test mas sea prome cu biaha of ora cu nan yega Aruba. E detayes lo keda presenta dialuna awor unda cu ta indica kico mester como prueba, y con e proceso ey ta tuma lugar, sigur den exterior. Tur esaki ta drenta na vigor entrante 1 di juni 2021. Ta e intencion pa haci esaki tambe pa turistanan cu ta yega Aruba. Tur e detayes sinembargo, lo bin dialuna. E prome mandatario di Aruba ta spera cu esaki ta stimula mas hende pa vacuna, ya cu e cantidad a bira masha poco, entre 200 pa 300 pa dia so, siendo cu e capacidad ta hopi mas grandi.