Partidonan HTC, CURPA y Pueblo Prome ainda buscando firma

ORANJESTAD – Falta 3 partido politico ainda pa logra nan meta pa acumula e cantidad di firma di 587 pa por sigura nan participacion na e proximo eleccion. Ta trata di partido CURPA (184), HTC (172) y Pueblo Prome (379). Si nan sigui e rumbo cu nan tin aworaki, partido CURPA y HTC lo mester di tur e 5 dianan aki pa logra nan meta, y ainda por keda algun voto ‘short’. Esaki ta basa riba e average di firma cu nan ta logrando, basa riba e ultimo dos dianan. Ambos tin un average di 82 pa 83 firma pa dia. Y nan e ora mester di tur 5 dia cu falta. Partido Pueblo su average di firma pa dia, basa riba e ultimo 2 dianan, ta 178 firma pa dia. Cu esaki, nan lo mester di 2 dia mas pa logra nan cantidad rekeri.