Na Corsou: Homber sintando pa asesinato ta hinka detenido den blok 7

WILLEMSTAD - E hòmber S.D. ku ta sintando kastigu di 12 aña di prizòn despues di a hinka R. Cathalina, dos bia  den su garganta ku kuchú mata, ayera a hinka e detenido W.A. na altura di su pia. Alrededor di mitar di 10 di mainta e personal di prizòn a konstatá hinkamentu den blòk 7. Segun e investigashon, S.D. i e víktima tabatin un diskushon fuerte ku otro ku a terminá den e hinkamentu.  W.A. a keda hinká ku un opheto skèrpi na altura di su pia robes. Relashoná ku esaki personal di SDKK a drenta den akshon pa asina pone e situashon bou di kontròl. Debí ku  pia di e víktima tabata sangrando profundo, a  transport’é ku urgensia pa C.M.C pa tratamentu médiko avansá. Na 2006 tambe S.D. a keda kondená pa asesinato na Hulanda despues ku el a hinka su víktima mata. Pero debí na su edat yòn e tempu ei, el a haña kastigu hubenil i a keda será te ku 2011.Polis tin e kaso aki den investigashon entre otro pa sa unda e detenido a sali ku e opheto skèrpi ku parse un kuchú pero ku probablemente ta e mes lo a trahe den prizòn.

(Foto File)