Hulandesnan por biaha, pero te ainda no a kita codigo oraño pa Corsou

Hulandesnan por biaha, pero te ainda no a kita codigo oraño pa Corsou

Posted on 05/12/2021 9:21 am AST | Updated on 05/12/2021 9:24 am AST

WILLEMSTAD - Minister di Salubridat di Hulanda Hugo de Jonge djamars último a duna di konosé ku hulandesnan por bai afó atrobe. For di 15 mei gobièrnu hulandes lo duna un ‘konseho di biahe’ pa e diferente paisnan. Manera ta konosí for di fin di 2020 gobièrnu a deskonsehá hulandesnan pa bai afó pa motibu di fakansi. For di e tempu Hulanda a duna tur pais na mundu un kódigo oraño. Esaki tabata konsekuensia di sifranan haltu di kasonan di COVID-19 na Hulanda. Kódigo oraño ta nifiká ku gobièrnu hulandes no ta konsehá hende pa bula si no tin motibunan urgente. Pa kolmo tur pasahero ku ta bin Hulanda bèk ta haña e konseho pa bai den karentena.

Manera ta konosí for di 15 di mei ta kambia e kódigonan. Segun fuentenan hopi serka di gobièrnu hulandes paisnan manera Portugal, Finlandia, Islas Canarias, Islas Baleares i e islanan di Gresia den Mar Egeo ku tur probabilidat lo haña un kódigo hel. Desishon lo keda tuma no mas lat ku 15 di mei.

Pa Kòrsou te ainda ta konta kódigo oraño. Esaki ta nifiká ku tur pasahero ta obligá pa mustra un resultado di un tèst di PCR ku no ta mas bieu ku 72 ora. Banda di esei nan ta obligá pa hasi un ‘tèst di Antigen’ tres dia despues ku nan a yega Kòrsou.

Segun fuentenan na Hulanda chèns ta hopi tiki ku Hulanda lo kambia e kódigo oraño pa Kòrsou den un kódigo hel dia 15 di mei. Esaki tin di aber ku e situashon riba e islanan. Segun minister De Jonge te ainda tin basta preshon riba situashon di kuido riba e islanan. Banda di esei, segun De Jonge riba e islanan Kòrsou, Aruba, St. Maarten, Boneiru, St. Eustatius i Saba e kapasidat di ‘intensive care’ ta limitá.

Minister De Jonge a bisa na Hulanda ku e ta spera ku den periodo di ‘zomer’ hulandesnan por bai bishitá e islanan. Manera ta konosí esaki lo kuminsá 20 di yüni. De Jonge ta spera ku for di e dianan ei lo no tin restrikshon mas pa hende ku ke bula for di Hulanda na un di e islanan Karibense di Reino Hulandes.

  • Na Corsou, candela feroz a destrui cas den Penstraat

    Na Corsou, candela feroz a destrui cas den Penstraat

    WILLEMSTAD - Otro famia mas ta den tristesa. Un kandela feros a destruí un kas den Penstraat, por kompletu. Alrededor di bintisinku pa un di mèrdia, Sentral di Polis a risibí informashon ku un kas di dos (2) piso tabata na kandela den e kaya ariba menshoná. Ta trata aki di un edifisio habitá ya pa hopi aña pa un famia.

  • Casi 200 studiante di Corsou a bay Hulanda pa inicia estudio avansa

    Casi 200 studiante di Corsou a bay Hulanda pa inicia estudio avansa

    WILLEMSTAD - Dos grupo di studiante di kua e promé a sali mèrdia tempran i e di dos grupo mas anochi, ta rumbo pa Hulanda pa sigui nan estudio avansá. Ta trata di dos grupo, unu di 94 i e otro di 96 hoben ku a yega e total di 190 ku awor aki ya ta na Hulanda. E aña aki nos por papia un biaha mas di e kustumber di hopi aña, kaminda e grupo  di hóbennan ku kaba nan estudio sekundario pa bai pa mas avansá, a sali pa Hulanda.

  • Pronto por usa cedula pa biaha entre islanan di ex Antias

     Pronto por usa cedula pa biaha entre islanan di ex Antias

    WILLEMSTAD - Na okashon di presentashon di sédula nobo, minister Ornelio Martina ta mustra ku pronto por usa esaki pa biaha entre islanan di èks Antia. Na okashon di presentashon di e sédula nobo, minister martina a kalifiká e akto ei komo unu históriko pa loke ta trata desaroyo di nos identidat. Despues di 11 aña ku Kòrsou a bira pais outónomo den Reino, Kòrsou ta introdusí su sédula ku ta karga nos propio identifikashon. Aparte di e aspekto emoshonal importante akí, e sédula nobo tin benefisio práktiko ku lo fasilitá biahamentu entre Kòrsou i nos islanan ruman di èks Antia Hulandes. Nota: Text ta skirbi den Papiamento fonetico di Corsou.

  • Doño di trabou no por retira trahado cu no kier vacuna di forma inmediato, pero si por disolve su contracto

    Doño di trabou no por retira trahado cu no kier vacuna di forma inmediato, pero si por disolve su contracto

    WILLEMSTAD – Un doño di trabou no por kita un trahado di forma inmediato, osea ‘op staande voeten’ si e trahado no kier vacuna contra Covid19. Loke si e doño di trabou por haci, ta desolve e contracto di trabou y ofrece e trahado en cuestion un compensacion di retiro, igual na cesantia. Asina un huez a dicta recientemente na Corsou. Un sentencia cu a crea un hurisprudencia interesante cu na Aruba tambe ya caba abogadonan a cuminsa atende cu ne, pa ora cu e caso na Aruba presenta. 

  • Corsou ta considera Hulanda como pais di risico halto pa Covid19 entrante dialuna awor

    Corsou ta considera Hulanda como pais di risico halto pa Covid19 entrante dialuna awor

    WILLEMSTAD – Entrante dialuna, Corsou ta considera Hulanda como pais di risico halto. Esey jkier men cu tur pasahero cu bula di Hulanda pa Corsou, mester haci un PCR test. Solamente esnan cu un resultado negativo, lo wordo permiti pa biaha pa Corsou. Esaki ta conta tambe pa esnan cu a vacuna caba. Asina prome minister di Corsou Gilmar Pisas a anuncia diahuebs mainta durante un conferencia di prensa. Esnan cu keda detecta cu e virus na Corsou, mester bay den isolacion pa 10 dia na e lugar unda cu nan ta hospedando.  

  • Defensa Hulandes a constata contagio di Covid19 bou di su mes rangonan na Corsou

    Defensa Hulandes a constata contagio di Covid19 bou di su mes rangonan na Corsou

    WILLEMSTAD - Defensa Hulandes a konstatá kontagio bou di su mes rangonan na Kòrsou. E organisashon directamente a tuma accion i a pone personal cu kehonan relata na COVID, of cu un test positivo di PCR, den isolashon. Asina e sobra di e personal por sigui eherce nan tarea mas tanto cu ta posibel.

  • Powered by SETAR