Pisas: Mester habri, pero prohibi pa aglomera na Rooseveltweg, Caracasbaaiweg y Saliña

Posted on 05/12/2021 9:17 am AST | Updated on 05/12/2021 9:19 am AST

WILLEMSTAD.- Djis despues di su huramentashon komo parlamentario e próksimo promé minister di Kòrsou sr. Gilmar Pisas a duna di konosé na prensa, ku e ta kere ku mester habri tur kos na Kòrsou, pero aglomerashon si no ta permití, spesialmente den áreanan di Rooseveltweg, Caracasbaaiweg i Saliña. Prohibishon di aglomerashon si ta keda na vigor.El a bisa ku e forma kon ta tuma medida ta poko desproporshonal. P’esei frakshon di MFK lo bai entregá petishon pa reunion di urgensia i spera pe keda tratá djabièrnè awor, pa diskutí ku gobièrnu riba situashon di COVID-19.“Kasi 80 mil hende a vakuná i esaki ta evitá ku COVID lo no bai plama mas. Mester kuminsá habri, pero e aglomerashon mester keda kuné. Riba Rooseveltweg, Saliña i Caracasbaaiweg bo ta haña aglomerashon total. Esaki ta keda ku prohibishon. Komersio si mester duna alivio. Komersio mes mester bin ku proposishon pa ser tratá den reunion públiko próksimamente”, sr. Pisas a bisa.Aglomerashon ta krese e aspekto di COVID. E tres áreanan ta keda ku prohibishon di aglomerashon.Mas aleu sr. Pisas a bisa ku e tin konstante komunikashon ku epidemiólogo dr. Izzy Gerstenbluth i dr. Arias, kendenan a skapa e pais aki i nan ta profeshonalnan i nos lo respetá nan.Tambe sr. Pisas a bisa ku huramentashon di e parlamento nobo ayera, el a sinti ku tin un entusiasmo i ku lo tin unidat den parlamento. Esaki por reflehá bek den pueblo di Kòrsou.Pa loke ta trata e trabou den parlamento. Sr. Pisas a sigui bisa ku e frakshon di MFK a entregá vários lei kaba, pero nan ta bai traha riba esnan fiskal. Den akuerdo di gobernashon a traha pa e pueblo por haña alivio pa tin mas sèn den sirkulashon. Un dje leinan ku a wòrdu trahá kaba t’esun di kita e “schakkel” nan di OB i asina preisnan lo baha drástikamente. Asina e pueblo lo kuminsá haña alivio.Tambe nan ke bini ku Fondo di Likides pa si eventualmente no logra yega na akuerdo ku Hulanda.Pa loke ta trata e relashon ku Venezuela, sr. Pisas a bisa ku semper tabata prioridat di MFK pa restablesé e relashon ku Venezuela. Ta konosí e sanshonnan di Merka riba Venezuela, i Kòrsou no ke kai den nan awor aki.“Asina mi sinta komo promé minister mi prioridat ta di saka e piskadónan yu Kòrsou ku ta sera inhustamente na Venezuela, i asina hasi esaki lo restablesé e relashon diplomátiko ku Venezuela. Pasobra aki na Kòrsou tin hopi residente di Venezuela di kual gobièrnu di Kòrsou ta kuidando nan, i despues di esaki lo sigui kana e kanalnan diplomátiko. Pero semper mester wak e mundu finansiero ku a keda blòkia pa Merka pa no stroba nos di hasi komersio”.Sr. Pisas a reiterá ku e lo ta kouteloso pa ku Venezuela. Venezuela tabata un dje pilarnan ekonómiko di Kòrsou. Mester ta kouteloso kon ta bai dil ku Venezuela pa no afektá e sanshonnan di Merka.Sr. Pisas a indiká tambe ku un di e puntonan ku lo bai atendé ta duna esnan ku ta kobra ònderstant un alivio, dor di kambia lei kaminda nan por traha gana te ku 500 florin sin ku nan ta pèrdè e ònderstant.Un lei ku tin for di 2017 na departamento hurídiko di gobièrnu pa atendé ku Internet i FLOW riba nos isla ta wanta. Awor nan ta bai trese e lei na parlamento, pa drecha e sistema kaótiko di internèt den pais, sr. Pisas a bisa finalmente.

Cantidad di hende condecora na Corsou ta hopi menos cu Aruba e aña aki
WILLEMSTAD – Mientras cu e biaha aki tabatin 12 condecoracion mas cu aña pasa (42 compara cu 30 aña pasa) riba e islanan di Reino Hulandes, e isla tin hopi mas hende y den tamaño tambe ta cuater biaha mas grandi cu Aruba, Corsou tabatin ‘apenas’ 8 ciudadano cu a haya Condecoracion Real, compara cu Aruba, cu a haya 18. Na Hulanda tabatin 3333 persona cu a haya condecoracion.
Mas Corsow
Lesa Mas
E ferry entre Venezuela y Corsou ta cuminsa opera fin di 2024
CARACAS – E plannan pa activa e ruta di ferry entre La Vela de Coro y isla di Corsou, ta sigui, pero tin un retraso temporal den su ehecucion. Asina e representante di e empresa Caribbean Fast Ferry, Iliana Martínez, a declara diahuebs na e portal El Nuevo Dia. E empresa a cuminsa cu e construccion di e waf y terminal na e zona franca di Corsou, pero un restructuracion di e empresa Hulandes a alarga e culminacion di e trabou. No obstante esey, ta premira cu pa e di tres of cuater trimester di e aña, ta inaugural e ferry. Martínez a splica cu e disposicion di e waf na e boca di Santa Ana a keda estableci pa probecha e bentaha di e mercado y cu ambos pais lo beneficia. E intencion ta pa compete cu e prijsnan di Panama. A splica cu ora cu caba completa e prome fase, cu ta construccion di e haf, lo sigui e proceso di permisonan necesario. E di tres fase lo ta pa eleva Parlamento di Corsou pa e apertura di mobilisacion di e pasaheronan. Ta premira cu e intencion ta pa e ferry transporta 86 pasahero. E intencion di e prome fase ta pa transporta solamente pawsahero, sin auto, pa despues tambe inclui auto. E intencion ta pa permiti turistanan Hulandes, cu ta bin pa temporada largo, pa duna nan e posibilidad pa bishita Venezuela asina tambe.
Mas Corsow
Lesa Mas
Gobierno na Corsou kier solucion pa situacion di calor no perhudica muchanan na scol proximamente
WILLEMSTAD - Minister di enseñansa sr. Sithree van Heydoonr a manda karta pa parlamento kaminda e ta pidi un reunion di komishon sentral pa por deliberá riba periodo di kalor na skol.
Mas Corsow
Lesa Mas
Helicopter y avionnan nobo di Wardacosta Caribe Hulandes ta operacional
WILLEMSTAD - Ultimo añanan tras di lomba a traha duru riba kòntraktnan nobo pa e unidatnan aéreo pa Wardakosta Karibe Hulandes. Meta di a sera e kòntraktnan aki ta un provedor di servisio konfiabel pa Wardakosta i unidatnan aéreo moderno, ekipá ku hèrmèntnan teknológiko ku ta yuda den ehekushon di e tareanan di Wardakosta.
Mas Corsow
Lesa Mas
Hulanda dispuesto pa yuda paisnan den Caribe cu asunto di refugiadonan
WILLEMSTAD - Apesar ku asuntu di refugiado ta keda un responsabilidat outónomo di kada pais den Reino, gobièrnu Hulandes ta dispuesto pa yuda Kòrsou, Aruba i St. Maarten ku ayudo tékniko den kaso ku pidi pa esaki. Gobièrnu Hulandes ta enfatisá sinembargo ku ta importante ku ta habri diálogo ku organisashonnan no gubernamental pa optimalisá kolaborashon.
Mas Corsow
Lesa Mas
Cooperacion mas estrecho entre e parti Caribense di Reino y Hulanda riba tereno di enseñansa i investigacion
WILLEMSTAD - Diesocho instituto di enseñansa i konosementu di e parti karibense di Reino i Hulanda ta bai sigui strukturá i intensivá nan koperashon riba tereno di enseñansa, investigashon i siensia. Asina por ehèmpel nan kier bai desaroyá entre otro programanan di enseñansa konhuntamente. E kolaborashon speshal ta resultado di e mishon di konosementu den e área karibense bou di liderazgo di minister Dijkgraaf (Enseñansa, Kultura i Siensia). Djabièrnè último a klousurá esei na Kòrsou.
Mas Corsow
Lesa Mas