Falta 4 partido politico pa acumula firma pa por bay eleccion

ORANJESTAD – Tin 4 partido politico cu ainda mester acumula e cantidad di firma rekeri pa por tin participacion na e proximo  eleccion Parlamentario. Ta trata di partidonan CURPA, HTC, Pueblo Prome y UPP. Di nan tur ta premira cu UPP por cera di nan awe mainta, mirando cu ta faltando apenas 72 firma pa logra nan meta. Diamars, un total di tres partido a logra yega nan firmanan cu ta RAIZ, ACCION21 y finalmente PPA Transforma. Por firma na dependance di censo na Playa, MFA Noord y Savaneta entre 9’or di mainta y 8’or y mei di anochi.