Partido ACCION21 ta e di 3 partido cu a logra firmanan necesario

ORANJESTAD – Partido ACCION21 ta e di tres partido politico cu a logra obtene e cantidad rekeri di 587 firma pa nan por participa oficialmente na e eleccion Parlamentario di 25 di juni proximo. Pa 4’or y 25, e lider di e partido Miguel Mansur a confirma cu nan a logra e cantidad y awor ta sigui pa campaña. Ta keda partidonan Curpa, HTC, Pueblo Prome, PPA, y UPP. Mas prome partido RAIZ tambe a logra nan cantidad diamars mainta.