Señora deteni na aeropuerto ayera a recobra libertad temporal

ORANJESTAD – E señora cu a keda deteni na aeropuerto ayera, esta e señora di inicial E.S. a keda den libertad mesun atardi. Asina vocero di Ministerio Publico Ann Angela a confirma diamars pa noticiacla. “E señora a duna tur claridad y no tabatin motibo pa tene mas largo. Investigacion ta sigui” sra Angela a bisa den su declaracion cortico. Inicialmente a compronde cu e señora, cu ta HR director di aeropuerto, a wordo deteni na pia di trabou, pero esaki no tabata e caso. E tabata biahando y a gare ora cu el a check in na imigracion ora cu su nomber a hala atencion di autoridad. Aki a detene, y a hibe warda. Eynan el a haci su declaracion pa despues lague den libertad temporal. Manera Angela a bisa, e investigacion riba e caso ta sigui.