Compania cu a yuda traha vacuna Pfizer, a gana 2 biyon euro e aña aki caba

BERLIN – E compania farmaceutico Aleman BioNTech a logra aumenta su entrada den e prome cuartal di e aña enormemente, debi na e benta di vacuna contra Coronavirus. Entre januari y maart di e aña aki, nan a haya un entrada di 2 biyon euro, cu ta mucho mas cu e 28 miyon euro cu nan a logra den e mesun periodo di aña pasa. Asina e compania a informa awe. Hunto cu Pfizer, nan a desaroya e vacuna cu ya caba a produci 350 miyon dosis. E vacuna ta e prome producto cu BioNTech a produci riba mercado y ta premira cu lo por traha casi 3 biyon. Esey lo genera un 12.4 biyon euro na entrada e aña aki.