Actual premier Eugene Rhuggenaath no a drenta Parlamento como parlamentario pa PAR

WILLEMSTAD.- Un reunion basta konmovedor ayera nochi di direktiva partido Par a terminá den e desishon ku Eugene Rhuggenaath lo no hura awe komo parlamentario pa su partido. Esaki lo nifiká ku tur probabilidat ku Steven Croes lo drenta na su lugá, komo kandidato number 5 riba lista di PAR.

Eugene Rhuggenaath “mi ta para pa e proseso di transformá i rehubenes’é partido PAR”.

Partido PAR ta informá ku, ku regreso di Eugene Rhuggenaath, kual el a liderá pa elekshon den 2017, ganando e elekshon, su punto di lansa tabata pa trese hóben i hóben profeshonal partido PAR, kendenan por a rekonosé nan mes den e ideologia di partido PAR.

Proseso ku señor Eugene Rhuggenaath a kuminsá huntu ku su direktiva ku tabata bisto ku e lista, ku hopi kara nobo ku partido PAR a entregá na Konseho Supremo Elektoral pa bai elekshon di 19 di mart último.

Eugene Rhuggenaath a splika ku énfasis i detayadamente ku presentashon di e lista di kandidatonan pa elekshon, ku direktiva tin ku sigui ku e proseso di transformashon i rehubenes’é partido PAR, formando lidernan pa futuro i pa e próksimo elekshon, ku lo ta na aña 2025.

Basá riba resultado di elekshon último i un presentashon preliminar di un komishon instituí dor di direktiva pa evaluá partido i e resultado optené, lider polítiko señor  Rhuggenaath a i ta sinti su mes yamá pa ta esun responsabel, pa dediká su mes na e proseso entamá pa reformá i restrukturá partido PAR preparando pa e siguiente elekshon.

Lider polítiko señor Eugene Rhuggenaath lo inkluí tambe su guia i sosten na frakshon di PAR den parlamento unda e partido lo hiba un oposishon konstruktivo i krítiko pa un mihó Kòrsou den e momento difísil ku nos  pais ta pasando aden.

Basá riba e puntonan ariba menshoná, Eugene Rhuggenaath a disidí pa tuma e proseso di transformashon, reformashon i restrukturashon den su kalidat di lider polítiko pa hasi PAR e alternativa real pa e próksimo elekshon.

Motibu pa ku, kargando su responsabilidat di un lider, manera señor Eugene Rhuggenaath den su kalidat di Minister Presidente a karga Gobièrnu di Pais, e lo no huramentá pa drenta parlamento awe.

Par ta bisa ku ora ke papia di lider i liderazgo, ata e prueba di un berdadero lider, señor Rhuggenaath.

E ke hasi uso di oportunidat aki pa yama danki pa e konfiansa duná pa por a sirbi nos dushi Kòrsou komo Promé Minister for 2017.

Direktiva huntu ku señor Eugene Rhuggenaath ta yama tur PARistanan, Votadónan i Simpatisadónan masha danki pa e konfiansa. NOTA: Articulonan di Corsou ta bin skibi estilo di Corsou, fonetico.