Rey Willem-Alexander y Reina Máxima lo bishita Aruba na mei

ORANJESTAD -  Pa invitacion di Gobernador di Aruba Fredis Refunjol, Su Mahestad Rey Willem-Alexander y Su Mahestad Reina Maxima lo ta presente dia 1 di mei 2015 na e SAIL Aruba 2015. Durante e bishita Gobernador lo ta anfitrion di e Pareha Real. Organisacion di e bishita lo ta den man di Gabinete di Gobernador, den estrecho colaboracion cu e diferente departamentonan di gobierno. Mas detaye di esaki lo wordo anuncia despues. E evento SAIL Aruba 2015 ta un evento maritimo cu lo tuma lugar na e waf na Oranjestad dianan 1, 2 y 3 di mei 2015, den cuadro di celebracion di 200 aña di Reino. E evento ta wordo organisa bou responsabilidad di Gobernador den un colaboracion unico entre diferente partners, en particular e Marina Real, Aruba Ports Authority, SEL Maduro, Divi Resorts, Pais Aruba y Gabinete di Gobernador.