Gobierno di Aruba investigando pakico proceso di vacuna a manera tranca

ORANJESTAD – E proceso di vacunacion na Aruba a basicamente tranca, den sentido cu e interes pa vacuna contra Covid19 no tey mas. Pa dia entre 300 pa 600 persona apenas ta vacuna.  Awemainta den conferencia di prensa prome minister Evelyn Wever Croes a admiti cu e proceso no ta canando manera e mester ta. Y cu asina nos no ta bay yega nos meta. Como tal a informa cu minister di Salud Dangui Oduber ta formulando un proceso pa cambia esaki y trece mas movecion den e proceso. E mandatario mes den fin di siman, mientras a papia hopi positivo di e progreso, a bisa si cu ta bay cambia cierto aspecto, cu e meta principal pa mas hende tin acceso na vacuna. Entre nan, ta papiando pa drenta barrio, y laga cierto lugarnan manera Botica vacuna, unda cu e posibilidad ta bira mas facil y mas accessible pa hende vacuna. Tabata evalua den fin di siman pakico e proceso a tranca y cu ta mustra cu hendenan no ta interesa mas pa vacuna. E hecho cu a yega 55 mil hende, ta mustra bon y ta un bon proceso, pero e no ta e 85 mil cu mester yega. Kier wak kico tin cu ta pone cu e riba 30 mil personanan cu falta, no kier of no por vacuna. Sin e grupo aki, Aruba lo no yega su meta y esaki por bira un problema. Mes momento a bisa tambe si cu 18 mil hende (60%) di e grupo di 60+ a vacuna. Pero cu mas hende mester vacuna