Debe di facilidadnan ta parti di Lotto su contribucion na deporte

Debe di facilidadnan ta parti di Lotto su contribucion na deporte

Posted on 05/10/2021 9:20 am AST | Updated on 05/10/2021 9:20 am AST

(ADVERTORIAL)

ORANJESTAD – Lotto, bao maneho di Canadian Bank Note (CBN) desde 2012, ta keda garantisa fondo no solamente pa deporte y ganado, pero tambe cumpli cabalmente cu obligacionan financiero pa prestamo hasi.

Cierto noticianan cu ta circula, manera entre otro cu e benta di loteria ta loke a wordo uza pa traha stadionan ta eroneo. Manera conoci, na 2011, CBN a wordo pidi pa St. Fundacion Lotto pa Deporte cohunto cu Gobierno di Aruba, pa asumi maneho di un loteria cu tabata cerca di declara bancarota. Apesar di e risiconan financiero enorme aki, CBN a asumi e reto cu un plan di negoshi objectivo y transparente cu e meta pa genera apoyo financiero na Fundacion Lotto Pa Deporte, y tambe pa cumpli cu e deber pa e rescate financiero di un maneho cu no tabata faborabel pa e fundacion. 

‎A base di un maneho profesional di Canadian Bank Note a logra hisa e benta averahe di Lotto na 45.6 miyon annualmente. Cu e fondonan aki e loteria ta cumpli cu prestamonan di pasado, mientras ta percurando pa deporte keda ricibi un sosten substancial.‎

Lotto a keda cu un debe grandi cu mester a busca financiamento p’e, na unda cu e stadionnan a crea un peso pa e loteria, un debe cu ainda Lotto ta pagando pa e construccion di e stadionnan aki. E debe aki, cu ta costa aproximadamente 2.1 miyon florin pa aña, tambe mester wordo considera como parti di e contribucion di Lotto na deporte di Aruba. 

Mescos ta conta ariba e prestamo di 17 miyon cu St. Fundacion Lotto pa Deporte a sera cu Gobierno di Aruba na 2009 pa construccion di 3 compleho deporte y cu desde 2020 ta costa e fundacion un 1.5 miyon pa aña na pago na gobierno.

Lotto, e loteria di Aruba tin diferente wega manera; Catochi, Big 4, 1-OFF, Zodiac, Lucky 3 y Multi-X, Wega di Number Korsou, Lotto di Dia, Lotto 5, Mini Mega cu su Mega Plus y e diferente weganan di Raspa y Gana. Cumprando Lotto bo ta contribui na deporte riba nos isla.

E meta di e loteria ta pa organisa weganan di lotto, cambia bida di su hungadonan y na mes momento inverti den deporte local pa medio di donacion mensual na Stichting Sportsubsidie Aruba.

  • Sara Quita Offringa (Aruba) ta lidera Copa Mundial di Windsurfing na Israel

    Sara Quita Offringa (Aruba) ta lidera Copa Mundial di Windsurfing na Israel

    TIBERIAS – Aruba su representante Sara Quita Offringa ta lidera e lista di damas pa e Copa Mundial di Windsurfing teni actualmente na Isreal. Despues di 18 luna sin tin actividad debi na e pandemia, esaki ta bira e prome Copa Mundial atrobe. Segun e portal Israel Hayom, ta pa prome biaha cu Israe ta anfitrion di e evento aki, na Tiberias den Laman di Galilee. E evento di 5 dia a inicia dialuna cu mas di 60 windsurfers di tur parti di mundo, incluyendo actual y ex campeonan mundial. E Copa Mundial di Professional Windsurfing Association (PWA) ta considera e evento mas prestigioso di e deporte aki. Contrario na windsurfing olimpico, windsurfing professional ta un deporte extremo cu ta tuma lugar den biento di riba 80 km pa ora cu olanan di riba 10 meter. Aruba su nomber a zona na comienso caba unda cu Sarah-Quita Offringa (Campeon mundial di Slalom pa 4 aña) a pasa Marion Mortefon pa gana e evento di dialuna. Cuminsando diamars, e ranking despues di e prome ronda di eliminacion ta como lo siguiente.  

  • Lotto su rol den financiamento publico di deporte

    Lotto su rol den financiamento publico di deporte

    (ADVERTORIAL)

  • Mikel Schreuders ta representa Aruba den Olimpiada na Tokyo !

    Mikel Schreuders ta representa Aruba den Olimpiada na Tokyo !

    MISSOURI – E landando Arubiano Mikel Schreuders lo representa Aruba pa di dos biaha den Weganan Olimpico e aña aki. Ta trata di e Olimpiada di Tokyo cu mester a tuma lugar aña pasa pero a keda posponi debi na e pandemia. E portal di e estado Mericano di Missouri a raporta esaki como cu Schrueders ta un alumni di e scol aki. Schrueders a termina su carera Universitario na e scol como e ‘recordholder’ di 200 meter freestyl, y tabata e di 2 den 100 meter freestyle y di 3 den 50 meter freestyle. Na 2016 Schreuders a representa Aruba caba na e olimpiada na Rio de Janeiro.  Actualmente e ta biba na Neckarsulm, Germany

  • Xander Bogaerts ta sigui prome den voto pa All Star Team di Major League Baseball

    Xander Bogaerts ta sigui prome den voto pa All Star Team di Major League Baseball

    BOSTON – Tur cos ta mustra cu e aña aki Aruba su pelotero professional Xander Bogaerts lo ta den e seleccion di American League durante e ‘Weganan di Strea’, osea e All Star Game. Manera ta conoci, pa un hungador forma parti di e seleccion, e mester sigui un proceso di voto. Y te cu 4 dia pasa, Xander Bogaerts tabata na prome lugar cu 31% di voto, riba Bo Bichette di Toronto cu tabatin 15%, sigui pa Tim Anderson cu tabatin 11%. Bogaerts no ta nobo pa e All Star team ya cu na dos ocacion el a logra forma parti di dje y na 2016 a te hasta habri e wega, esta figura den e alineacion inicial pa e seleccion e aña ey. 

  • Arubaanse Atletiek Bond tin Directiva Nobo

    Arubaanse Atletiek Bond tin Directiva Nobo

    ORANJESTAD - Dia 15 di Juni 2021 ultimo, den un ambiente amical e 8 clubnan di atletismo como tambe coremento, a topa otro pa e eleccion di e directiva nobo di Arubaanse Atletiek Bond (Aruba Athletics Federation). Bou direccion di Mr. Keith Joseph y Mr. Michael Serralta di NACAC (North American, Central American and Caribbean Athletics Association) y despues di dos termino bou guia di Presidente saliente Evelyn Farrell, e Miembornan a vota pa un cambio completo di Directiva. 

  • One Happy and Safe Marathon a conclui na Palm Beach

    One Happy and Safe Marathon a conclui na Palm Beach

    PALM BEACH – E di tercer KLM Aruba Marathon anual a wordo duna e luz berde por medio di autoridadnan di Aruba pa un Covid-19 proof race riba 5 y 6 di juni 2021, cu un variedad di careda na mes momento, manera un marathon di 42.2km, Half Marathon di 21.1km y Walk & Run di 10km, diadomingo mainta, 5K Walk & Run, e dia prome.

  • Powered by SETAR