Partid RAIZ toch a bin entrega su lista di 12 candidato 'en persona'

ORANJESTAD -Partido Raiz a entrega un lista awe di 12 candidato cu nan lider Ursell Arends. Na prome instante nan tabata e unico partido cu lo a entrega e lista via digital, esta email, como un di e opcionan duna pa Conseho Electoral. Pero a resulta cu pa ley, un partido mester entrega e lista en persona y no por a haci esaki via email pasobra e ley no a wordo cambia pa esey. Mientras cu no tabatin claridad oficial riba esaki, e partido a dicidi e ora pa evita cu nan ta risca keda afo, y a bin toch pa entrega nan lista. "Nos mester a laga e comfortabilidad di nos cas pa bin entrega e lista aki" Ursell Arends a bisa, cu un cara di disgusto. Despues di papia cu prensa, el a haci entrega di e lista.