Grupo di trahado di KIA hubila cu 25 aña di servicio

SAN NICOLAS – Un grupo di trahado di KIA, receintement a ricibi nan certificado di 25 aña di servicio. Minister ing. Mike de Meza a representa Minister di Husticia mr. drs. Arthur Dowers na Instituto Coreccional Aruba KIA na e ocasion di entrega di certificado. Ta hubilarionan cu durante añanan a duna nan sosten, dedicacion y lealtad na cuida nos pueblo haciendo nan trabou cabalmente na e centro coreccional di Aruba.

De Meza a cuminsa durante su presencia den KIA na felicita Sra. Trudy Hassel cu e nombracion como Directora di KIA. E retonan ta grandi. Pero si tin un persona cu por eherce e funcion aki, Sra. Hassel ta e persona indica. Como comisario di polis, pa su experiencia, postura fuerte ‘The Iron Lady’ ta na su luga pa continua cu un bon trabou pa KIA y pa Aruba’ segun e reemplasante di Minister di Husticia.  

E nomber di e hubilarionan ta majoor Sergio Quant, opzichter Leo Tromp, opzichter Edmundo Marlin, opzichter Cedric Rodriquez, opzichter Stephen Rodriquez, opzichter Ruben Mateo, majoor Luis Croes, opzichter Robertico Paesch, majoor Shaleen Ruiz Tromp, opzichter Gerald Weller, opzichter Victoriano Weller, opzichter Mirto Koolman, opzichter Ludmila Dirksz, opzichter Winston Boekhoudt, technisch medewerker Oscar v/d Linden.