Andin Bikker ta retira di politica y cu stem advies pa MEP

ORANJESTAD – Despues di a participa den eleccionnan politico desde 1997,  mr. Andin Bikker a confirma diahuebs anochi cu ta bira tempo pa duna espacio pa ideanan nobo. E la anuncia cu e no ta riba ningun lista politico den e eleccion benidero, y mes momento ta duna un stemadvies pa vota pa partido MEP. Cu esaki tur rumor pendiente riba sr Bikker, ta clarifica incluyendo esun cu e lo a bay subi lista politico di MEP. Ora cu e lista di MEP a keda presenta y cu e no tabata ariba, a cuminsa busca informacion kico lo pasa cu sr Bikker. Algun rato despues e informacion  oficial a drenta. 

CARERA 

Mr. Andin Bikker tabata 8 aña miembro di Parlamento di Aruba caminda ela yega te na ocupa e puesto di Vice-Presidente di e organo, cu logronan palpabel te na Hulanda. 

Como Minister di Husticia y Vice Prome Minister di Aruba a logra maneha nos pais bow circumstancianan hopi dificil dor di e corona virus. Andin Bikker kier gradici tur su votadornan desde 1997, nan sosten tabata instrumental pa logronan grandi pa nos Pueblo. GRADICIMENTO

Andin Bikker a gradici y a reconoce e esfuerso mutuo di su coleganan di Gabinete Wever-Croes pa por a rescata nos pais, y den dicho cuadro e la pidi pa duna sosten na candidatonan di MEP pa continuidad di un bon Gobernacion.