The Lab Boutique Digital Marketing Agency a drenta un colaboracion cu NY MDC Partners Inc.

The Lab Boutique Digital Marketing Agency a drenta un colaboracion cu NY MDC Partners Inc.

Posted on 05/6/2021 11:13 am AST | Updated on 05/6/2021 6:13 pm AST

ORANJESTAD -  The Lab Boutique Digital Marketing Agency ta orgulloso di anuncia cu den april 2021, e agencia a drenta un colaboracion cu NY MDC Partners Inc. (“MDC”). MDC Partners ta un di e redman di mercadeo y comunicacion di mas influyente na mundo, basa na New York. E ta wordo celebra pa su socionan inovativo den propagandanan, relacionnan publico, branding, mercadeo digital, social y di evento, cual ta responsable pa algun di e campañanan mas memorabel y efectivo pa algun marcanan mas respeta na mundo. MDC recientemente a combina forsa cu The Stagwell Group, cual ta un grupo di comunicacion y mercadeo di servicio completo y principalmente-digital, y cu esaki combinando e talentonan excepcional di MDC y e plataforma di tecnologia avansa di Stagwell. 

Durante e temporada sin precedente aki, mas y mas companianan ta haya nan ta bay digital. The Lab Boutique Digital Marketing Agency, un agencia di mercadeo online, ta yudando mas cu 120+ companianan y organisacionnan pa establece nan presencia digital desde 2012. Mercadeo digital ta un necesidad pa companianan awendia, y pa keda na e vanguardia di e campo asina dinamico aki ta un prioridad na The Lab.

“Nos ta sumamente entusiasma cu nos colaboracion cu MDC, un compania cu ta reconoci pa ta un di rednan di mercadeo y comunicacion di mas influyente na mundo,” Diederik Kemmerling, CEO di The Lab, a bisa. “E partnership aki ta marca e siguiente capitulo di nos dedicacion continuo pa sirbi nos clientenan den Caribe y Latino America cu servicionan y capacidadnan extendi. 

Recientemente, MDC a añadi nuebe afiliadonan global como un manera pa expande su red di talento den Latino America, awor consistiendo di teamnan di agencia na Aruba, Costa Rica, Colombia, Corsou, Mexico, Nicaragua, Panama, Spaña y Merca. Aparte di Latino America, te cu dia di awe, e programa di afiliadonan global di MDC a establece su presencia den Medio Oriente, Europa Oriental, Taiwan, Mainland China, Hong Kong, India y Rusia, cu e meta di 50 afiliadonan global rond mundo na final di 2021. 

Como parti di e partnership, The Lab lo tin acceso na MDC y The Stagwell Group su colecion di capacidadnan completo y lo establece “co-located teams” rond mundo. The Lab lo cuminsa duna turno na coleganan di su team pa por traha na e oficina di MDC y Stagwell den e World Trade Center na New York desde September. Pa yuda conduci na colaboracion entre MDC y su red di afiliadonan, e grupo lo haci uso di Locate, cual ta un tool proprietario desaroya pa The Stagwell Group. Locate ta un plataforma SaaS cu ta conecta technologonan, creativonan, y clientenan rond mundo den un solo plataforma na mes momento. 

The Lab ta sumamente entusiasma di traha hunto cu MDC y Stagwell pa combina nan conocimiento di mercadeo local cu e mihor practicanan den campaña internacional di mercadeo digital di escala grandi. Esaki lo hiba na un nivel mas halto ainda di conocimiento y servicionan ofreci na clientenan di The Lab. 

TOCANTE THE LAB

The Lab ta un Boutique Digital Marketing Agency basa den Caribe, cual a wordo funda na 2012. E tin clientenan na Aruba, Corsou, Boneiro, Sint Maarten, Barbados y Trinidad. Aparte di su trabou pa mas cu 120 clientenan incluyendo Op is Op, Botica di Servicio, Dr. Horacio E. Oduber Hospital Aruba, AZV, McDonald’s, FCCA, SETAR, Aruba Tourism Authority, Marriott Vacation Club, Hilton Aruba Caribbean Resort, RE/MAX, Kooyman y hopi mas, The Lab tambe ta sostene proyectonan pa Aruba Doet (Oranjefonds), y pa Universidad di Aruba! Na Juni 2017, The Lab tabata tin e honor di wordo otorga e Best in Business 2017 for di Guardian Group pa nan profesionalismo, trabou den team y nan balornan. 

 

TOCANTE MDC PARTNERS

MDC Partners ta un di redman di mercadeo y comunicacion mas influyente na mundo. E ta reconoci manera “E Lugar Unda Talentonan Magnifico Ta Biba”, MDC partners ta wordo celebra pa su socionan inovativo den propagandanan, relacionnan publico, branding, mercadeo digital, social y di evento, cual ta responsabel pa algun di e campañanan di mas memorabel y efectivo pa algun marcanan mas respeta na mundo. Door di haci uso di tecnologia, analistanan di informacion, conocimento y solucionnan di consehonan strategico, MDC Partners ta conduci na exelencia creativo, crecemento di empresa y ingresonan medible riba invercion di mercadeo pa mas cu 1,700 clientenan rond mundo. Pa mas informacion tocante MDC Partners y su socionan, bishita nos website na www.mdc-partners.com y sigui nos na Twitter na www.twitter.com/mdcpartners

 

 

  • Todd Dandare: Nos no ta cla pa introduci Papiamento como idioma di instruccion na scolnan!

    Todd Dandare: Nos no ta cla pa introduci Papiamento como idioma di instruccion na scolnan!

    ORANJESTAD – Mientras cu e siman aki minister di enseñansa Endy Croes a anuncia cu pa augustus awor ta bay cuminsa cu Papiamento como idioma di instruccion na 1e klasnan, un linguista reconoci na Aruba, Ramon Todd Dandare un siman prome ainda a informa cu nos no ta cla pa esaki. E material tey, pero e docentenan no ta cla pa cuminsa esaki. Asina mes, e ta duna gobierno beneficio di duda, y ta spera cu cos no bay fout cu e introduccion. E ta splica den e fragment ey di e programa Noticiacla LIVE di siman pasa. 

  • A.T.A. a selecta e ganadornan di e Aruba Signature Experience # 3

    A.T.A. a selecta e ganadornan di e Aruba Signature Experience # 3

    ORANJESTAD - E  siman aki oficina di turismo di Aruba a anuncia e 5 ganadornan di e prome session di e progama Aruba Signature Experience pa 2024. Na aña 2021, Aruba Tourism Authority (A.T.A.) y Qredits Aruba a introduci e programa “Aruba Signature Experiences” cu e meta pa encurasha entrepreneurnan pa enfoca riba experiencia unico y inolvidabel pa nos bishitantenan.

  • Celebra Dia di Cero Desperdicio 2024: hunto nos por reduci desperdicio!

    Celebra Dia di Cero Desperdicio 2024: hunto nos por reduci desperdicio!

    ORANJESTAD - Dia 30 di maart ta Dia Internacional Cero Desperdicio (Zero Waste Day). E dia aki ta dedica pa eleva conscientisacion riba consumo y produccion responsabel y tambe na reduccion di desperdicio. Directie Natuur en Medio Ambiente (DNM) ta invita comunidad pa join nos den celebracion di e dia importante aki. Esaki ta e di dos biaha cu Nacionnan Uni (UN) ta observa e dia aki como cu ta na 2022 a tuma e decision pa e dia aki ta un dia observa internacionalmente. E 

  • Conseho Hubenil di 131 a bishita Parlamento di Aruba

    Conseho Hubenil di 131 a bishita Parlamento di Aruba

    ORANJESTAD - Desde 2019 131 a incorpora un Conseho Hubenil den nan organisacion. E Conseho Hubenil di 131 su tarea ta pa primeramente duna conseho solicita y no solicita na e organisacion. Tambe nan ta duna conseho ariba proyectonan di 131, prome cu nan ser implementa. E Conseho Hubenil di 131 ta duna e organisacion un bista cu precision di kiko ta pasando bao di mucha y hoben y pakiko. 

  • SETAR N.V. a logra recertifica pa e ISO/IEC 27001 version nobo 2022

    SETAR N.V. a logra recertifica pa e ISO/IEC 27001 version nobo 2022

    (ADVERTORIAL)

  • Ocupacion di cama na hospital a baha pero ainda ta keda preocupante

    Ocupacion di cama na hospital a baha pero ainda ta keda preocupante

    ORANJESTAD - Den cuadro di transparencia y informacion nos di Horacio Oduber Hospital ta comparti cu boso e cifranan pa loke ta luna di februari 2024. Como Hospital ta importante y alabes interesante pa duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto baby a nace durante luna, cuanto pashent a regresa cas despues di admision y mas. 

  • Zulo
  • Powered by SETAR