Awe nochi lider di partido RED Ricardo Croes den programa politico di NoticiaCla

ORANJESTAD – Awe nochi Noticiacla ta presenta su ultimo programa di e formato di 15 minuut cu un lider politico unda cu ta haci’e e mesun 7 pa 8 pregunta. Awe ta toca turno na lider di partido RED Democratico, sr Ricardo Croes. E lider politico ta contesta e 7 pa 8 preguntanan inicial riba con ta preparando pa eleccion, kico por spera di e partido, candidato y mas. E ultimo dos partidonan MAS y Pueblo Prome no a logra. Partido MAS a informa cu nan ta mucho ocupa e simannan aki y otro siman ta dispuesto, y partido Pueblo Prome no por a coordina e oranan pa keda cla. Awe nochi 9’or e programa ta pasa riba tur e plataformanan di noticiacla manera e Facebook page, website y e app.